ОҚО-да жоғалып кеткен 6 жасар бала табылды
ОҚО-да 20 ақпанда сабақтан шығып, бейтаныс әйел ертіп кеткен 6 жасар бала табылды. Бұл туралы Оңтүстік Қазақстан облыстық Ішкі істер департаментіне сілтеме жасап Today.kz xабарлады.
Құқық қорғау қызметкерлерінің айтуынша, бүлдіршін облысқа қарасты Арыс қаласынан табылған. Оны 1954 жылғы әйел азаматы алып кеткен. Бала ұрлады деген күдіктінің түр-әлпеті куәгерлердің сөзімен сәйкес келген. Қазіргі таңда басқа мәліметтер анықталуда.
Ақпарат ретінде айта кетейік, өткен сенбіде сағат 14:30 шамасында Ордабасы аудандық ішкі істер басқармасына 31 жастағы жергілікті тұрғын баласының жоғалғаны туралы арызданған. Тұрғын өз арызында сол ауылдағы Ғ. Мұратбаев атындағы жалпы орта мектебінің 1 сыныбында оқитын, 2009 жылы туылған ұлы Қамшыбек Мұхаммед Қазыбекұлы сағат 12:30 шамасында сабақтан шығып, үйіне келмегенін көрсеткен.
© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Теги
Пікір үстеу
