Әне-міне дегенше есіктен Жаңа жыл аттағалы тұр. Мәреге жеткен мешін жылы талайдың меселін қайтармай, бағын еселеп берді. Ал есік қаққалы тұрған тауық жылы несімен есімізде қалуы мүмкін? Жаңа жылды ең бірінші болып қай ел қарсы алады? Өзге елдердің жаңа жылы несімен ерекше? Бүгін осындай қызықты ақпараттармен бөлісуді жөн көрдік.

Біраз уақыт бықсып жатқан таулы Қарабақтың даулы мәселесі қайта өршіген бұл жолы Әзірбайжанды қолдайтындар өз пиғылын ашық білдіре бастады. Бұл әрине сол аумақты өзінікі санап келген Ереванның етті жеріне батқаны анық. Қарабаққа қатысты Лукашенко мен Әлиевтің сөзі бір жерден шыға бастады. Ресей де бұл қақтығысты шешуге басымдық беретінін мәлімдеді. Ұжымдық қауіпсіздік шартына қол қойған елдердің басшылары таулы Қарабақ тартысына тиянақты мән бере бастаған сайын Арменияда өзінің осы аймақтағы мәртебесін мығымдауға бағытталған мәлімдемелер жасала бастады.

4 желтоқсанда Өзбекстан өз тәуелсіздігі тарихында екінші президентін сайлады. Елді ширек ғасыр басқарған Ислам Каримовтың қазасынан кейін мемлекет тізгінін Шавкат Мирзиеев ұстады. Енді саяси сарапшыларды мазалаған басты мәселе – «Өзбекстанның жаңа басшысы қандай саясат ұстанады, Орталық Азия аймағына бұл өзгеріс не әкеледі?» деген сауалдар төңірегінде өрбуде.

2016 жыл Батыс демократиясында үлкен өзгерістер басталған жыл деуге болады. Саясаткерлер сөзіндегі популизмнің көбеюі, Ұлыбританияның Еуроодақтан шығуы мен Трамптың сайлаудағы жеңісі демократия бизнес емес екенін көрсетті. Әсіресе, АҚШ-тағы сайлау нәтижесі осы өзгерістерге серпін беретін оқиғаның бірі болды. Аталмыш саяси доданың қорытындысы америкалықтардың көпшілігінің жаһанданудағы еркін сауда және ашық шекара секілді қағидалармен келіспейтінін, әрі Вашингтонның сыртқы саясатта соңғы жылдары қатты ұстанып келген «әсіре бауырмалдығын» құптамайтынын айқын көрсетті.

Өз тәуелсіздігінің 25 жылдығын тойлаған өзбек халқы келесі күні қара жамылды. Елін 26 жыл басқарған Өзбекстанның тұңғыш президентінің қазасы туралы хабар тек ала тақиялы ағайынды ғана емес, Орталық Азиядағы біраз елді ойландырып тастады. Ислам Каримов бар құрмет-қошеметпен жер қойнына тапсырылғанымен, артында біраз сұрақ қалып қойды. Соның ең негізгісі – келесі кім?

Бортында Халықаралық ғарыш станциясының жаңа экипажы орналасқан "Союз-ФГ" зымыран тасымалдаушысы "Союз МС" түріндегі бірінші модификацияланған ғарыш кемесімен Байқоңыр ғарыш айлағынан ұшырылды, - деп хабарлайды РИА Новости.

• Korrespondent.kz
• 30.03.2016 14:08

Telegram мессенджерінде Қазақстан Президентінің суреті бар 22 стикер пайда болды, - деп хабарлайды Tengrinews.kz. Бұл аталған желіні қолданушылардың таңданысын тудырды. Айта кетейік, мессенджерде Мемлекет басшысынан бөлек Беларусь президенті Александр Лукашенконың, қазақстандық боксшы Геннадий Головкиннің және тағы басқа да танымал адамдар бейнеленген стикерлер бар.

(Фотолар: kaz.tengrinews.kz)