Біздің басты одақтасымыз, қазақстандықтарды көлікпен қамтушы елдердің бірі – Ресейде келесі жылы жаңа көлік бағасы 10-15 пайызға дейін өседі деп күтілуде. Дилерлердің айтуынша, оған рубль девальвациясы мәжбүр етіп отыр. Сондай-ақ, ЭРА-ГЛОНАСС қауіпсіздік жүйесін енгізу де қымбатқа түсуде. Жалпы, соңғы екі жылда көлік бағасы 44 пайызға қымбаттаған екен. Биылдың өзінде жапондық Mazda (10 пайыз), Toyota (11 пайыз), Skoda (10 пайыз) мен Ford (9 пайыз) құны айтарлықтай өскен.

Ұялы байланыс – айлық табысымыздың белгілі бір бөлігін қажет ететін күнделікті шығындардың бірі. Біреулер оған айына 50 мың теңгеге дейін жұмсаса, енді біреулер 1000 теңгесін де көпсінеді. Дегенмен, бізге ауадай қажет байланыс қызметі қазақстандықтарға қаншалықты қолжетімді?

«Эйр Астана» Ұлттық компаниясының басшылығы 2017 жылдан бастап ең қымбат билеттердің бағасын 10%-ға арзандататынын айтып, сендірді. Нарықты жабық ұстау мүмкін емес. Сондықтан, «Эйр Астананың» баға саясаты өзгереді. Бұл туралы табиғи монополияларды реттеу және бәсекелестікті қорғау Комитетінің төрағасы Серік Жұманғарин мәлімдеді.

Оқырманның есінде болса, өткен аптада жаңадан ашылып, бірақ бір жылға жетпей қайта жабылып қалған зауыт жайлы мақала жазғанбыз. «Шардараның қанты таңдайға тимей тұр» деген тақырыппен жарық көрген мақалада осыдан бес жыл бұрын алаулатып-жалаулатып жүріп ашқан қант зауытының қақпасын бүгінде қара құлып күзетіп тұрғанын, осылайша қаңтарылып тұра берсе миллиондаған қаржыға келген мүлік тозып кететініне алаңдаған едік. Сөйтсек, әңгіме әріде жатыр екен. Яғни, бір кездері уақытша деп жабылған зауыттың қайта ашылуын күтіп, иегі қышып жүргендер енді Шардараның қантынан үмітін үзе берсе болады.

800 өндіріс ошағы, 150 мың жаңа жұмыс орны. 2010-2014 жылдардағы бірінші Үдемелі индустриялық-инновациялық даму бағдарламасының нәтижесі осындай болған. Бірақ бұл мәселенің беткі жағы ғана. Ал, түбін қазсаңыз, бұл бағдарламаның экономиканың дамуына айтарлықтай ықпалын тигізбегенін, әлі де алға жылжымай, бір орында тұрғанымызды байқауға болады.

Үкімет ҚР Президентінің қарауына Ұлттық қордың қаражатын пайдалануды қалыптастыру бойынша жаңа тұжырымдама енгізді. Бұл туралы Үкімет басшысы Бақытжан Сағынтаев «Атамекен» ҰКП Президиумының отырысында мәлімдеді.

Соңғы 5 жылда жемқорлық қылмыстардың нәтижесінде 70 млрд теңге шетел асып кеткен. Бұл туралы Астанада ҚР Мемлекеттік қызмет істері және сыбайлас жемқорлыққа қарсы іс-қимыл агенттігі Төрағасының орынбасары Алик Шпекбаев мәлім етті деп хабарлайды inform.kz.

Сәуірде ішкі бағыттардың билеттерін 22 пайызға қымбаттатқан “Эйр Астана” соның өзінде 6,6 млн доллар шығынға батыпты. Сосын күзде көлік прокуратурасы билеттердің орта есеппен 40 пайызға өсіп кеткенін жеткізді. Тіпті, кей бағыттар бойынша баға өсімі 77%-ды құраған. Компания “бағаның қымбаттауы – төлемнің көбі доллармен жасалатындықтан” дейді. Ең қызығы сол, өткен жылдың қазан айында мемлекет әуе қызметтерінің бағасын реттемейтін болып шешім қабылдаған еді. Яғни, монополистер баға саясатын бұдан былай өздері шешеді. «Эйр-Астана» осыны пайдаланып, билет құнын шарықтатып жіберді ме? Неліктен «Эйр-Астанаға» 6,7 млн теңге айыппұл салынды?

Баға жыл емес, ай сайын өседі. Өспейтін – жалақы ғана. Биыл да тауарлар мен қызметтердің бағасы шарықтап, шегіне жетті. Алда жаңа 2017 жыл келе жатыр. Қаңтар сайын қымбатшылық қыспаққа алатыны тағы бар. Елімізде азық-түлік пен қызметтер құны өткен жылмен салыстырғанда 11,5%-ға өсіпті. Сәйкесінше инфляция 15,9%-ды құрады (биылғы 10 айдағы баға өсімі инфографикада көрсетілген).

Қазақстан экономикасының қазіргі ахуалы кісі қызығарлықтай емес. Әсіресе, сыртқы қарыздардың өсуі мемлекетті тығырыққа тіреп отыр. 2010-2015 жылдарда сыртқы қарыз 35,2 млрд. долларға өсіп, биыл оның көлемі 154 млрд. долларға жетті. Жалпы, сыртқы қарызға келгенде, мамандардың пікірі әрқилы. Біреулер оның қалыпты құбылыс екенін, барлық елдің қарызы шаш-етектен болатынын айтса, енді біреулер оны экономикаға, тұрақты дамуға төнген қауіп санайды.