Алматы облысында сәуір айында бизнесті қорғау желісі бойынша кәсіпкерлерден келіп түскен 30 арыз-шағым оң шешімін тапты. Бұл туралы кәсіпкерлердің құқын қорғау және әкімшілік кедергілерді төмендету жөніндегі бөлімінің сарапшысы Думан Керімбаев мәлімдеді. Оның айтуынша, сәуір айының өзінде құқық қорғау мәселесі бойынша 53 шағым тіркелген.

Облыстық ТЖД басшысының орынбасары Талғат Сабыровтың ақпаратынша, суға түсу маусымы кезінде Тараз су қоймаларында, адамдардың жүзетін жерлерінде алты бекет құрылады.

Танымал ақын Ұларбек Дәлейұлы Астанада орнатылған «Ғашықтар» мүсіні ұрпақ тәрбиесіне кері әсерін тигізетініне күмен келтірмейді. Бұл туралы ойын әлеуметтік желілердің біріндегі парақшасында жазды. 

Ақын Советқазы Нұрсила бүгінгі кей әкімдердің халықты басынып, білгенін жасап жүргені туралы ойымен бөлісті. Ол өз парақшасында «Әкіреңдеген әкім немесе әкім – әкең емес» деген тақырыппен көптің көкейін мазалап жүрген мәселені көтерді. 

«Фэйсбук» әлеуметтік желісінің қолданушысы Дәулет Серікбай өз парақшасында елдегі партиялардың жұмысына деген өкпесін жазып, «Нұр Отаннан» басқалары түк бітірмей отырғанына қынжылды. 

Әлеуметтік желілердің бірінде қазақстандық танымал саясаттанушы Айдос Сарым сайлауды ұйымдастырушылардың әрекетіне таң қалған. Оған саяси науқанға қатысу туралы алған шақыртуы себеп болыпты. 

Тұңғыш рет «Жезқазған-Сексеуіл-Қызылорда» бағыты бойынша пойыз қатынайтын болды. Көпшіліктің сұранысына сәйкес бұл бағыттағы пойыз өз қызметін 15 наурызда ресми түрде бастайды. 

Бұл Таразда не көп, жауыннан кейін қаптаған саңырауқұлақтай базар мен тойхана көп. Көне шаһар тұрғындары базаршыл да, тойшыл да. Әсіресе, жарнамасы күндіз-түні менмұндалап тұрған мейрамханалар мен тойханалардың есігі аптасына бір-ақ рет жабылатын шығар, сірә. Бәсекелестік дегеніңіз тағы бар. 

Бұған дейін ғаламторда талайларды таңқалдырған Тараздағы «магнит баланың» күннен күнге жаңа қырлары ашылып келеді. 6 жастағы Нұрдәулет Арыстанбектің денесінде металл заттарды ұстап тұра алатын қабілеті ойламаған жерден оянған. Ең бірінші қасықты денесіне жабыстыра алған бала, кейін планшетке дейін ұстап тұра беретін қабілетті арттырған. Енді Нұрдәулет кәдімгі көлікті тоқтата алатын күшке ие болып отыр. 

Айдың күннің аманында неге балаларымыз жиі жоғалады? Осыдан бірнеше ай бұрын Ақмола облысындағы 13 жасар қыздың жоғалуы елдің жағасын ұстатып еді. Онан соң жыл басында Ордабасы ауданындағы алты жасар баланың, 15 жастағы оқушы қыздың із-түссіз жоғалуы елді тағы бір дүрліктірді. Ең сорақысы, жабыла іздеген кәмелеттік жасқа толмаған қыздардың бірі ата-анасымен ұрысып Астана, енді бірі жамбылдық азаматтың етегінен ұстап ауыл асып кеткен.