– Маған әскери комиссариаттан шақыру келді. Өзім отбасындағы жалғыз ұлмын. Әкем жоқ. Анам, әпкем және қарындасым төртеуміз тұрамыз. Әскерге бармауыма бола ма?

– Саламатсыз ба! Егер жұмысшы еңбек демалысын бірнеше бөлікке бөліп алатын болса, ол бөліктердің әрбір бөлігі, яғни барлық бөліктері екі күнтізбелік аптадан (он төрт күн) кем болмауы тиіс пе, әлде бөліп-бөліп алған еңбек демалысының ішінде бір бөлігі ғана екі күнтізбелік аптадан (он төрт күн) кем болмауы тиіс пе?

Абай Тоқталхан:

– Сәлеметсіздер ме, сіздерге сайлауға байланысты сұрағым бар еді. Мен депутаттыққа кандидат ретінде тіркелген едім. Құжатты белгіленген мерзімде тапсырдым. Ол кезде барлығы дұрыс болған. Мені тіркеді және кандидаттық куәлігімді де қолыма берді. Бюллетеньге тапсырыс та берілді. Ал бүгін маған «сіздің кандидатураңыз алынды» деген хаттама берді. Себебі: сайлау комиссиясына банктен берілген анықтамада менің жалақым мен өткізген құжаттағыдан 277.41 теңгеге артық көрсетіліпті. Енді сайлау комиссиясы маған «еңбекақыны азайтып көрсеттің» дейді. Мен анықтаманың барлығын банктен алдым, қолдан ештеңе жазған жоқпын. Бұл ақшаны, яғни анықтаманы қайдан, кімнен алғанын, айырмашылықты қалай тапқанын біле алмай отырмын. Сотқа шағым беруге 7 күн уақыт берді. Не істерімді білмей отырмын, не істеймін? Көмек беріңіздер, кандай ақыл кеңес айтасыздар? Білетін адвокат таба алмай еріксіз сіздерге шағымданып отырмын.

– Қолымда кішкентай балам бар. Өзім 1-топтағы мүгедекпін. Күйеуім тастап кетті. Тым құрыса  балама қарауға көмектесетін мемлекеттен көмекші тағайындала ма? 

Жансая ӘБІЛҚАЗЫ:

Жақында ғана тұрмысқа шықтым. Қазір жекеменшік фирмада менеджермін. Балалы болсақ оның күтіміне байланысты үйде отыруыма тура келеді. Білгім келетіні, мемлекет тарапынан осы кезде қандай жәрдемақылар беріледі?

Жанат Жұбанова:

Мен де несиені доллармен алып, өтей алмай жүрген жандардың бірімін. Түсінбейтінім, банктің өз тұтынушыларына несиені долларлық эквивалент ретінде беруі заңда қарастырылған ба? Неге біз несиені ұлттық валютамен ала алмаймыз?