ОҚО түлектерінің кейбірі ҰБТ-дан 1 балл да жинай алмаған
Оңтүстік Қазақстан облысында өткен ұлттық бірыңғай тестілеуде шектік балл түгілі, 1 балл да жинай алмаған түлектер бар. Бүгін Орталық коммуникациялар қызметінің аймақтық филиалында өткен брифингте облыстық білім басқармасы басшысының орынбасары Ержан Бұрханов осылай деді.
Биыл оңтүстікте сынақ тапсыруға 19798 бітіруші өтініш беріп, оның 19691-і тест тапсырған. Ал 36 оқушы ҚР Білім және ғылым министрлігінің бұйрығымен халықаралық олимпиада және ғылыми жоба жарыстарының жеңімпаздары ретінде тест тапсырудан босатылған. Сынақ нәтижесі бойынша өңірдегі 6 түлек ең жоғары 125 балл жинаса, 124 балл жинаған оқушылар саны 18-ге жеткен. Ал 3438 оқушы 100 балдан жоғары жинп, «Алтын белгіге» үміткер 1439 оқушының 575-сі сенімді ақтаған. Оның 40-ы Мақтарал ауданындағы Б.Момышұлы атындағы жалпы орта мектептің түлектері. ҰБТ нәтижесінде өңірдің орташа көрсеткіші 77,7 балл. Бұл былтырмен салыстырғанда 1 балға кем.
Облыстағы аудан, қалалар бойынша кентаулық түлектер жоғары нәтиже көрсетіп, көш бастаған. Ал Сарыағаш ауданы ең төмен көрсеткішке қол жеткізген. Айт кетейік, биыл облыста 31285 бала мектеп бітірді.
- ҰБТ
- ЕНТ
- ұлттық бірыңғай тестілеу
- мектеп
- мектеп түлектері
- выпускники
- корерспондент
- қызық ақпарат
