Желі қолданушылары оңтүстікқазақстандық 10 жастағы баланың ерлігін мемлекеттік наградаға лайық деп тапты

Ауданда үш күн бойы толассыз жаңбыр жауған. Жауын тоқтаған соң бір үйдің үш баласы өзен аумағында ойнап жүрген. Сол сәтте 3 жастағы Ақбілекті су алып кеткен. Не істерін білмеген 6-дағы ағасы сол маңда жүрген жасөспірімді көмекке шақырыпты. 10 жастағы мектеп оқушысы еш ойланбастан өзенге тап беріп, бүлдіршінді құтқарып қалды. Содан демсіз қалған бүлдіршінге алғашқы көмек жасаған. Абырой болғанда 3 жастағы ауыл тұрғыны есін жиыпты. Тек лай сумен бірге шөп-шалам, ағаш бұтаарын бірге жұтып қойған. Лоқсып, ештегісін сыртқа шығарған оны әкесі ауруханаға жеткізді. Бұл жайт, ел ішінде қызу талқыланып, жұртшылық оқушы баланы батырға теңеді. Әлеуметтік желідегілер он жастағы Мұхамедәлі елдің басты байлығы – адам өмірін аман алып қалғандықтан, оның әрекеті мемлекеттік наградаға лайық деп таныды. Енді бірі осындай батыр ұлды өмірге әкеліп, тәлімді тәрбие берген ата-анасына алғыстарын қарша жаудырды.