Startup Tour нәтижелері белгілі болды

 

Алдын-ала таңдаудан өткен командалар жұмысын беделді сарапшылар мен инвесторлар бағалады.

«Қазақстанда былтыр тұңғыш рет өткен Startup Tour-мен салыстырғанда биылғы байқауға ұсынылған жобалардың саны да, сапасы да айтарлықтай артқан. Бұл турдың негізгі мақсаттарының бірі – Қазақстандағы инноваторлар мен стартаптарға мүмкіндігінше қолдау көрсету болды», - деді Игорь Караваев, «Сколково» қорының вице-президенті.

Әділ-қазылар алқасы шара аясында өткен сессияларда таныстырылған жобалар ішінен 20 жеңімпазды іріктеп алды. «Ақпараттық технологиялар» бағыты бойынша жеңімпаздар:

1 орын – Руслан Бармашев ( «Онлайн рендер-ферма Kazrender» жобасы)

2 орын – Әділ Нұрсан («KazMotors» жобасы)

3 орын – Бауыржан Рүстемов ( «ReactDelivery» жобасы) және Әмір Қасеев («ВТМ» жобасы)

«Энергетика және энерготиімді технологиялар» бағыты бойынша жеңімпаз атанғандар:

1 орын – Гайнур Токтаров,

2 орын – Петр Нестеренков,

3 орын – Наталия Выхрест

«Биологиялық және медициналық технологиялар» саласы бойынша да үш орын тағайындалды:

1 орын – Илья Блохин

2 орын - Динара Молдағалиева

3 орын – Алим Хаимтов

Бұдан бөлек «Өндірістік технологиялар мен материалдар» және «Ауылшаруашылығындағы және өндірістегі биотехнологиялар» бағыттары бойынша Андрей Махотин, Махсот Қасымбаев, Максим Никонов, Арман Тосқанбаев, Жарылқасын Садықов пен Ақбота Айтбаева жеңімпаз деп танылды.

«Мен осымен екі жыл қатарынан Алматыдағы байқауға қазылық еттім. Қатысуышлардың ізденістері мен талаптары адам қызығарлықтай. Биыл 100-ден астам өтінім қабылдады. Бұл былтырғымен салыстырғанда едәуір көп. Финалға 16 компания шықты. Келесі жылғы байқау бұдан да қызықты, әрі тиімді болады деген сенімім мол», - деп ағынан жарылды Иван Киреев, «Сколково» қорының даму және ақпараттық технологиялар директоры. 

«Сколково» қоры барлық финалистерге Ресейде 2016 жылдың 2-3 маусымында Ресейде өтетін ең   ең ірі Startup Village шарасына арнайы шақыртулар берді.