"Ордабасы" клубы жанкүйерлері алаңға бөтелке лақтырғаны үшін 600 мың теңге айыппұл төлейді
Фото: М.Шағырбаев
Шымкенттік «Ордабасы» футбол клубының бас бапкері жазаға тартылды. Бас жаттықтырушы Бахтияр Байсейтов Қазақстан Премьер-лигасының екі ойынынан шеттетілді. Онымен қоса оған 650 мың теңге көлемінде айыппұл салынды. Себебі Б.Байсейтов шәкірттерінің астаналық футболшылармен кездесуі барысында ордабасылықтардың жеңілісін уайымдаған болу керек, алаңға шығып кеткен еді.
Бұл туралы Қазақстан Футбол федерациясының ресми сайты ақпарат таратты. Ол аз дегендей, «Ордабасы» клубы өз жанкүйерлерінің матч барысында алаңға пластикалық бөтелкелерді тастағаны үшін 600 мың теңге айыппұл төлейтін болды. Айта кетейік, 30 наурызда федерация жанындағы тәртіптік-бақылау комитетінің отырысында осындай шешім шығарды.
© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Теги
- Ордабасы
- ФК Ордабасы
- шымкент
- спорт
- футбол
- қызық ақпарат
Пікір үстеу
