Түркістандық қалталылар көшелерге гүлдер отырғызып тастады
Түркістанда кәсіпкерлер қала көшелерінің абаттандырылып, гүлге орануына атсалысып жүр. Күні бүгінге дейін шаһарда демеушілер есебінен 85 мың түп ағаш пен 50 мың түп гүл көшеттері отырғызылды. Бұл туралы Түркістан қаласы әкімдігінің баспасөз қызметі хабарлады.
Түркістан қаласында апта сайын тазалық күні өтіп, қаланы абаттандыру жұмыстары қарқынды жүргізілуде. Бұл игі жұмыстарды жасауда шаһар басшылығынан бастап, тұрғындарына дейін белсенділік танытуда. Осылайша ежелгі Түркістанның келбетімен үндескен «Күншығыс қақпасынан» бастап, түрлі-түсті гүлдер отырғызылып, даңғыл жолдардың жиектері шарбақтармен қоршалуда. Бұл шарбақтар қалаға лайықты сән беретініне қуанған түркістандықтар қаланы жасыл желекке айналдыру жағында қолға алған.
Тұрғындардың қуанышына айналған тындырымды тірліктердің бірі абаттандыру болса, алдағы уақытта туризм және әлеуметтік, өндірістік бағыттағы салаларды жетілдіру үшін жергілікті биліктің негізгі жұмыс жоспарында кешенді жобаларды іске асыру міндеті тұр.
- Туркестан
- Түркістан
- көгалдандыру
