Оралда департамент басшысының әйелі сұлулық салонында қайтыс болды
28 наурыз күні Оралда «Звезда Востока» сұлулық салонының клиенті укол қабылдаған соң қайтыс болды. Қаза болған әйел Батыс Қазақстан облыстық мемлекеттік кіріс департаментінің басшысы Аманжол Жақановтың жары болған деп хабарлайды NewTimes.kz агенттігіне сілтеме жасап NUR.KZ порталы.
Ал салон қожайыны аталмыш департамент басшысының орынбасары Бауыржан Қайдаровтың әйелі Венераға тиесілі болып шыққан.
Сұлулық салоны қайғылы оқиғадан кейін "сұлулық уколын" Мәскеуден шақыртылған дәрігер Эльвира Юсупова жасағанын мәлімдеуге асықты.
«Инъекцияны мәскеулік дәрігер жасады. Ол алдымен аллергиясы бар-жоқтығын тексерді. Алайда уколдан кейін әйел дірілдеп, аузынан көбік кетті. Біз бірден жедел жәрдем шақырттық. Біздің салонда сұлулық уколдарын жасамайды», — деп түсіндірді сұлулық салонының қызметкері.
"Қаза болған әйел салон қожайынының танысы болғандықтан, ол сұлулық салонының ішінде мәскеулік дәрігердің уколын қабылдауына рұқсат беруін өтінген", - деген салон қызметкерінің сөзін "Мой город" жариялады.
Басылымның айтуынша, 26-28 наурыз күні WhatsApp арқылы қала тұрғындарына Мәскеуден дәрігер салонға арнайы келетіні туралы хабарлама тараған.
Кейін «Уральская неделяға» БҚО Денсаулық сақтау басқармасының баспасөз хатшысы Флюра Саматова түсініктеме берді.
"28 наурыз күні жедел жәрдем «Звезда Востока» сұлулық салонына шақыртылды. 1977 жылғы клиенттің жағдайы нашарлаған. Белгісіз инъекциямен әйелдің екі бетіне укол салғаннан кейін, ол тұншыға бастаған. 5 минутта келіп жеткен дәрігерлер әйелдің сол арада қайтыс болғанын айтты", - дейді басқарма басшысы.
- Орал
- сұлулық салоны
- салон красоты
- салон красоты Звезда Востока
- корресподент
- қызық ақпарат
