Астана әкімдігі ресми сайтын жаңарту үшін 63 млн теңге жұмсамақ
Астана қалалық ішкі саясат басқармасы әкімдіктің ресми порталын жаңартып, қала тұрғындарын ақпараттандырып отыру үшін 63 миллион теңгеге жуық қаражат жұмсамақ. Жуырда мемлекеттік сатып алулар порталында аталған басқарма жариялаған конкурс мәресіне жетіп, жеңімпаз анықталды деп хабарлады Today.kz-ге сілтеме жасап SKIFNEWS.KZ.
Осылайша, Астана әкімдігінің сайтын күнделікті ақпаратпен толықтырып отыру үшін ішкі саясат басқармасы 62 803 571 теңге бөліп отыр. Тендерді жеңіп алған компания ағымдағы жылдың 15 желтоқсанына дейін қызмет көрсетуі тиіс. Жеңімпаз бір көзден қаржыландыру тәсілі бойынша анықталған. Ал, тендерлік байқаудың өзі 17 ақпанда жарияланып, 24 ақпанда мәресіне жеткен.
Мұндай мол қаражаттың қайдан пайда болғанын ішкі саясат басқармасындағылар нақты түсіндіріп айта алған жоқ деп жазады дереккөз. Тіпті, әкімдіктегілер 63 миллион теңгенің үлкен қаражат емес екенін де мәлімдеген.
- Астана қаласы
- город Астана
- Астана әкімдігі
- Әділбек Жақсыбеков
- Адильбек Джаксыбеков
- Корреспондент
- қызық ақпарат
