Сайлау күні жақындаған сайын додаға қосылған кандидаттар біртіндеп шеттетіліп жатыр. Шеттетілгендердің басым көпшілігіне декларациясын дұрыс көрсетпеуі себеп болыпты. Жә, жарайды, табысын жасырып қалса, кімге өкпелейді? Бірақ, ел арасында айтылып жатқан түрлі әңгімелерді естіп, «мұнысы не» деп жаға ұстағанымыз рас.

Оңтүстік Қазақстан облысы, Түлкібас ауданының әкімі Қайрат Әбдуәлиев аудандық мәслихат депутаттығына үміткер ретінде тіркелген кәсіпкер Ержан Дәулетовтің өзіне қаратып айтқан шағымын жоққа шығарды. Яғни, аудан басшысы кәсіпкердің «Әкім: «Сайлауға түспей-ақ қой, бәрін шешіп қойғанбыз. «Нұр Отанның» атынан түсетін кандидатымыз бар» деген сөзімен мүлдем келіспейді. Бұл туралы «Қала мен дала» басылымы жазды. Редакцияға әкімнің өзі хабарласып, уәжін айтқан.

«Сайлауды шымкентше ұйымдастыру…немесе «кандидаттықтан бас тарт» деген мақаланы оқып үнсіз қала алмадым. Бұл қалай болғаны?

Біріншіден еліміздің заңы бойынша әрбір азаматтың сайлауға түсуге толық құқығы бар. Иә, рас Ержан Дәулетов өзі келіп менің қабылдауымда болды. Ауыл ақсақалдары келді. Кездесу барысында ел ішіндегі атқарылып жатқан жұмыстар жайлы әңгіме болды.

Бірақ бұл кездесуде мен Ержан Дәулетовке «сайлауға түспейсің!» деп айтқан жоқпын, айтуға құқым да жоқ»-деп пікір білдірген әкім.

- Екіншіден Е. Дәулетов №6 Түлкібас округтік сайлау округінен аудандық мәслихат депутаттығына үміткер ретінде тіркелген.

Биылғы жылдың 27 ақпанында №6 Түлкібас округтік сайлау комиссиясы Дәулетовтың және оның жұбайының декларацияда көрсеткен мүлкі мен табысы жөніндегі мәліметін дұрыс емес тапты. Осыған сай «Сайлау туралы» заңға сәйкес кандидатты тіркеу туралы шешімнің күшін жойды. Бірақ, бұған менің ешқандай қатысым жоқ.

Ержан Дәулетов өз кезегінде комиссияның  шешімін заңсыз деп тапты және бұған қарсы арыз беріп сотқа шағымданған екен. Алайда Түлкібас аудандық соты бұл шешімді қанағаттандырусыз қалдырды.

Білгенімдей, Дәулетов әрі қарай Оңтүстік Қазақстан облыстық сотының азаматтық және әкімшілік істер жөніндегі апелляциялық сотына шағым түсіреді. Бұл жерде де арызданушының өтініші қанағаттандырусыз қалдырылған.

Сондықтан Ержан Дәулетовтың декларациясын дұрыс тапсырмай, менен кінә іздеуі және дәлелсіз айыптауы әділеттілікке жатпайды деп санаймын.

Үшіншіден Дәулетовтың айтқаны шындыққа жанаспайды. Көктерек ауылында газ, ауыз су толық тартылған. Мектеп күрделі жөндеуден өткен. Ауылдың электр бағаналары ауыстырылып, көше бойына жарық шамдық орнатылған» -деген әкім кәсіпкердің айтқанымен келіспейтінін жеткізген.    

Айта кетейік, бұған дейін аталған басылым ОҚО, Түлкібас ауданының тұрғыны, кәсіпкер Ержан Дәулетовтің арызын басқан болатын. Онда өзін-өзі депутаттыққа ұсынған Дәулетовке аудан әкімінің сайлауда бағын сынау туралы райынан қайтару мақсатында түрлі қысым жасағаны жарияланған.  

Биылдан бастап еліміздегі бастауыш сынып оқушылары 5 күндік оқу жүйесіне ауысады. Одан кейін бірте-бірте жоғары сыныптар да осы жүйеге көшеді. Біз ұстаздар мен ата-аналардың осы жаңалыққа қатысты пікірін білген едік.

Орталық Сайлау Комиссиясы келтірген дерек бойынша биылғы жылдың басты саяси оқиғасы – Мәжіліс пен жергілікті Мәслихаттарға депутат болуға 10825 үміткер тіркеліпті. Соның 7401-і – өзін-өзі ұсынғандар. Бұл осыдан төрт жыл бұрын өткен сайлауда есепке алынғаннан 1660 адамға көп.