ОҚО-да кілең ер азаматтар сенбілікке шықты (фото)
Бүгін Халықаралық әйелдер мерекесіне орай Оңтүстік Қазақстан облысы бойынша сенбілік өтті. Бұл тазалық жұмыстарының өзгелерден ерекшелігі – сенблікке тек ер азаматтар қатысты. Олар көктем мерекесі қарсаңында өңірдің абаттандыру жұмыстарына қолдау көрсеткісі келген.
Шымкентте өткен сенбілікке облыс және қала әкімдерінен бастап қос әкімдік өкілдері мен ақсақалдар, жастар және спорт саласының өкілдері атсалысты. Орталық саябаққа жиналған ерлер қауымы бес жүзден астам емен, аққайың көшеттерін отырғызып, 500-дей раушан гүлін екті.
- Теректі құшақтасаң денеңдегі бүкіл ауруыңды сорып алады, ал емен, керісінше күш-қуат береді» деген облыс әкімі Бейбіт Аатмқұлов тек тал отырғызып қана қоймай, оны суғарып, жан-жағындағы бұталарын кесті.
Жаппай тал егу шарасына тек қана шымкенттік ерлер ғана емес, облыстағы аудан, қалалардың еркек кіндіктілері ат салысқан. Яғни, сенбілік облыстың барлық аумағында бір мезетте өтті.
- ОҚО
- ЮКО
- шымкент
- Бейбіт Атамқұлов
- Ғабидолла Әбдірахымов
- сенбілік
- Корреспондент
- қызық ақпарат
