Шымкент жаңбыр суының астында қалды (фото+видео)
Шымкентте толассыз жауған жаңбырдың салдарынан қала кәдімгідей өзенге айналды, деп хабарлайды «NewTimes.kz» ақпараттық агенттігі.
Түркістан көшесі бойнда жаяу жүргіншінің жүріп-тұруы қиынға соқты. Тек көліктілер ғана қозғала алды. Бұл көше тұрғындары көпқабатты үй аулаларына қиындықпен кіріп-шықты.
Жаңбыр суының көп болғаны соншалық, ол көшеде толассыз ағып, аяқжолдарды бітеп тастады. Тек Түркістан емес, Байзақов, Дархан, Арғынбеков, Өтегенов көшелерінің тұрғындары да жаңбыр суының астында қалды. Ал Қошқар Ата бойынан аққан су ондағы үйлерді басып қалу қаупін туындатып отыр.
Ендігі жерде шымкенттіктер қала әкімінің ирригациялы жүйенің толығымен ретке келтіру жөнінде берген уәдесін күту керек. Тек билік бұл жұмыстар алдағы екі жылда жүргізілетінін айтқан. Ал оған дейін тұрғындар қаланың су басып қалмауын тілеуге мәжбүр.
Медиа
- шымкент
- ЮКО
- ОҚО
- Ғабидолла Әбдірахымов
- Габидолла Абдрахимов
- ливень
- нөсер
- Корреспондент
- қызық ақпарат
