"МакДональдстың" салдарынан Қазақстан бүкіл әлемнің алдында мазаққа айналды
Жақында Астанада танымал фаст-фуд бренді "МакДональдстың" ашылу салтанаты өткен болатын. Бұл шараны тағатсыздана күтіп, әлемге танымал фаст-фут тағамынан дәм татуға келгендер санында шек болмады. Ұзын-сонар кезекке тұрғандар шетелдік БАҚ-тың назарына іліккен. Бұл туралы қазақстандық журналист Әуесбайдың Қанаты «фэйсбук» әлеуметтік желісіндегі парақшасында жазды. Пост авторы өз қынжылысын да жасырып қалмаған.
«Фаст-фуд ашамын деп бүкіл әлемге келеке болдық тағы. Қазақстанда жүздеген адам бірінші ашылған McDonalds-тан тамақтану үшін кезекке тұрды деп әлемдік ақпарат құралдары жазып жатыр.
Пост астына жүздеген адам халқымызға әрі жаны ашып, әлі күліп комменттер қалдырып жатыр» деп жазған журналист әлемдік БАҚ-тардың бірінің ғаламторда жария еткен видеосын да бөліскен.
Естеріңізге сала кетейік, жаңадан ашылған «МакДональдс» мейрамханасының ашылу салтанатына Астана қаласының әкімі Әділбек Жақсыбеков қатысып, әлеуметтік желіде сынға ұшыраған еді.
- Астана
- МакДональдс
- McDonalds
- фастфуд
- тамақтану
- мейрамхана
- Корреспондент
- қызық ақпарат
Пікірлер
