Оңтүстік Қазақстан облысы, Түлкібас ауданының әкімі Қайрат Әбдуәлиев аудандық мәслихат депутаттығына үміткер ретінде тіркелген кәсіпкер Ержан Дәулетовтің өзіне қаратып айтқан шағымын жоққа шығарды. Яғни, аудан басшысы кәсіпкердің «Әкім: «Сайлауға түспей-ақ қой, бәрін шешіп қойғанбыз. «Нұр Отанның» атынан түсетін кандидатымыз бар» деген сөзімен мүлдем келіспейді. Бұл туралы «Қала мен дала» басылымы жазды. Редакцияға әкімнің өзі хабарласып, уәжін айтқан.

«Сайлауды шымкентше ұйымдастыру…немесе «кандидаттықтан бас тарт» деген мақаланы оқып үнсіз қала алмадым. Бұл қалай болғаны?

Біріншіден еліміздің заңы бойынша әрбір азаматтың сайлауға түсуге толық құқығы бар. Иә, рас Ержан Дәулетов өзі келіп менің қабылдауымда болды. Ауыл ақсақалдары келді. Кездесу барысында ел ішіндегі атқарылып жатқан жұмыстар жайлы әңгіме болды.

Бірақ бұл кездесуде мен Ержан Дәулетовке «сайлауға түспейсің!» деп айтқан жоқпын, айтуға құқым да жоқ»-деп пікір білдірген әкім.

- Екіншіден Е. Дәулетов №6 Түлкібас округтік сайлау округінен аудандық мәслихат депутаттығына үміткер ретінде тіркелген.

Биылғы жылдың 27 ақпанында №6 Түлкібас округтік сайлау комиссиясы Дәулетовтың және оның жұбайының декларацияда көрсеткен мүлкі мен табысы жөніндегі мәліметін дұрыс емес тапты. Осыған сай «Сайлау туралы» заңға сәйкес кандидатты тіркеу туралы шешімнің күшін жойды. Бірақ, бұған менің ешқандай қатысым жоқ.

Ержан Дәулетов өз кезегінде комиссияның  шешімін заңсыз деп тапты және бұған қарсы арыз беріп сотқа шағымданған екен. Алайда Түлкібас аудандық соты бұл шешімді қанағаттандырусыз қалдырды.

Білгенімдей, Дәулетов әрі қарай Оңтүстік Қазақстан облыстық сотының азаматтық және әкімшілік істер жөніндегі апелляциялық сотына шағым түсіреді. Бұл жерде де арызданушының өтініші қанағаттандырусыз қалдырылған.

Сондықтан Ержан Дәулетовтың декларациясын дұрыс тапсырмай, менен кінә іздеуі және дәлелсіз айыптауы әділеттілікке жатпайды деп санаймын.

Үшіншіден Дәулетовтың айтқаны шындыққа жанаспайды. Көктерек ауылында газ, ауыз су толық тартылған. Мектеп күрделі жөндеуден өткен. Ауылдың электр бағаналары ауыстырылып, көше бойына жарық шамдық орнатылған» -деген әкім кәсіпкердің айтқанымен келіспейтінін жеткізген.    

Айта кетейік, бұған дейін аталған басылым ОҚО, Түлкібас ауданының тұрғыны, кәсіпкер Ержан Дәулетовтің арызын басқан болатын. Онда өзін-өзі депутаттыққа ұсынған Дәулетовке аудан әкімінің сайлауда бағын сынау туралы райынан қайтару мақсатында түрлі қысым жасағаны жарияланған.  

Елдегі «елден бұрын», кешіріңіз мерзімінен ілгері өткізіліп жатқан сайлау туралы әр сарапшының пікірі сан қилы. Посткеңестік елдің саясаттанушылары мұны дер кезінде жасалынып отырған қадам десе батыс «дағдарыс дендемей тұрғандағы билік партиясының өз беделін сақтап қалу үшін жасаған қарбаласы» деп бағалапты. Ал, отандық қоғам белсенділері саяси науқанның тым сылбыр әрі бір сарынды жүріп жатқанын айтады. Әйтсе де, бұл саяси сахнадағы, елдің көз алдында болып жатқан әрекеттер ғана екен. 

Подробнее ...

Оңтүстік Қазақстан облысында аудандық, қалалық облыстық мәслиxатының депутаттығына кандидаттардың 70-і үміткерлер тізімінен шығып қалды. Бұл туралы бүгін облыс әкімдігінің ғимаратында өткен брифингте белгілі болды.

Брифингті облыстық сайлауды бақылау жөніндегі қоғамдық комиссиясының төрағасы Досыбай Шерімқұлов жүргізіп отырды. Төрағаның айтуынша аймақ бойынша 1074 сайлау учаскесі бар. Оның 45-і жабық сайлау учаскелері. Демек, бұл орындарда бақылаушылар саяси науқанның өту процесін бақыламайды. Бүгінгі таңда үміткерлердің 70-і тізімнен шығып қалған. Оның басым көпшілігі кандидаттардың декларациясына қатысты ақпараттың дұрыс болмауынан орын алған. Сонымен қатар тізімнен шыққакндар қатарында алғашында додада бағын сынамақ болып, кейін өз еріктерімен сайлаудан бас тартқандар да бар. Одан өзге сайлаудың үгіт-насиxат жұмыстарын өрескел бұзғандар да жоқ емес. Жалпы айтқанда, облыстық мәслиxат депутаттығына үміткерлердің 11-і тізімнен шығарылған. Тағы 11 кандидат қалалық, 48-і аудандық деңгейдегі мәслиxат депутаттығына кандидат болған.

Брифингке сайлауды бақылау жөніндегі республикалық қоғамдық комиссияның мүшесі экс-мәжілісмен Камал Бұрxанов қатысты. Камал Низамұлы сайлауды бақылау барысында комиссия ешбір партияға болыспайтынын, басты мақсат саяси науқанның әділ өтуін қамтамасыз ететінін атап өтті. Сайлау туралы насиxат толықтай жүріп жатқанына қарамастан оған ел азаматтарының қатысу, қатыспауы өз еріктерінде екенін айтты.