ОҚО-да аудан әкімі Лениннің ерлігін қайталады
Оңтүстік Қазақстан облысына қарасты Отырар ауданының әкімі Ерлан Айтаханов совет көсемі В.И.Ленин жасаған әрекетке барды.
Аудан басшысының қатысуымен ауданда бүгін жалпыхалықтық сенбілік өтті. Тазалық шарасында әкім Айтаханов өзге әріптестері секілді қоқыс тазалап, ағаш отырғызып қана қоймай, қырқылған талдарды иығына салып тасыды. Әрине, мұны көрген тұрғындар «Әкіміміз Ленин жасаған әрекетке барды» деп таң қалысты. Осы ретте айта кетейік, Отырар басшысы сенбілік барысында қол астындағы қызметкерлеріне ағаш отырғызу жұмыстарына ерекше мән беру керектігін айтты. «Ағаштарды таңдарда оның біздің аймақтың климатына сәйкестігін анықтап алу керек. Әйтпесе көшетті бірталай қаржы жұмсап отырғызып, ертең ол өсіп-өңбесе, қазынаның желге ұшып кетуі мүмкін. Бастысы, брлық іс тазалықтан басталу керек»,-деген Е.Айтаханов барша тұрғындарды тазалыққа бір кісідей ат салысуға шақырды.
