Бөтен нөмірден қоңырау шалса, көтермеңіз
- Бекжігіт МӘУЛЕНОВ
Қазақстанда ұялы байланыс саласындағы алаяқтықтың жаңа тәсілі пайда болған. ҚР ҰҚК экс басшысы Нұртай Әбіқаев қылмыскердің құрығына түсіп қалмас үшін бөтен телефон нөмірінен шалынған қоңырауларға жауап бермеуге кеңес берді.
Парламент Сенатының Халықаралық қатынастар, қорғаныс және қауіпсіздік Комитетінің кеңейтілген отырысында шетелден келетін қоңыраулардың құзырлы органдардың қаншалықты бақылауға алғаны қызықтырған сенаторлардың сұрағына жауап берген ҚР ҰҚК ақпараттық технология саласындағы қылмыстармен күрес басқармасының басшысы Ғалымбек Тәтенов қылмыстың жаңа түрін былай түсіндірді:
– Ұялы байланыс операторлары хабардар, онымен күресіп жатыр... Шетелден келген қоңыраулар жергілікті жерде ашылған желі арқылы өткізіледі, мысалы, Петропавлда. Сізге жергілікті қоңырау ретінде түседі. Ал шын мәнінде бұл – алаяқтық. Олар трафикті интернет арқылы өткізіп, шын табысын жасыруға тырысады. Ондай желіні анықтау өте қиын», – дейді Ғ.Тәтенов.
Сенатор Ләззат Қиыновтың «қазақстандықтардың ұялы телефондары тыңдала ма?» деген сұрағына Ұлттық Қауіпсіздік Комитеті төрағасының орынбасары Қабдулкәрім Әбдіқазымов прокурор санкциясынсыз Қазақстан азаматының байланыс құралын ешкімнің тыңдауға құқы жоқ екенін айтты.
- байланыс саласындағы
- Нұртай Әбіқаев
- қызық ақпарат
