Оңтүстікте жоғалып кеткен 7 жасар қыз бен оның туысының өлі денесі табылды
Ағымдағы жылдың 17 сәуір күні сағат шамамен кешкі 18.30-да Түлкібас ауданында тауға шығуға кетіп, із-түссіз оралмаған 1960 жылғы әйел мен оның 7 жастағы туысын іздестіру жұмыстары тоқтатылды. Екі тұрғынның да денесі өлі күйінде табылды, деп хабарлады Оңтүстік Қазақстан облыстық ІІД баспасөз қызметі.
Іңкәрбек Инабат Нұрқанатқызы мен оның туыс апасы Әшіркүл Баймұратованы іздестіру жұмыстары күні бүгінге дейін жалғасқан болатын. Оған 520 адам қатысты. Олардың қатарында тек құзырлы мекемедегілер ғана емес, еріктілерден құрылған топтар да болды. Қос тұрғынның мәйіті Қарақуыс шатқалындағы қуыстан табылды.
Қазіргі таңда оқиға орнында аудандық ішкі істер басқармасының мамандары жұмыс істеп жатыр. Сот-медициналық сараптама тағайындалған. Содан кейін барып екі азаматшаның неден қайтыс болғаны белгілі болады.
- ОҚО
- ЮКО
- түлкібас
- тауға шығуға кеткендер табылды
- қос туыс өлі күйінде табылды
- Корресопондент
- қызық ақпарат
