Үш әйелі бар кәсіпкер азамат әйел алу ойыншық еместігін айтты

«Екінші келіншегімді бәйбішемнің өзі барып алып берді. Ал үшіншісі рет үйленгенімде 50 жаста болдым. Жас әйелім ол кезде 22-де болды», — дейді ошақтың иесі. Оның айтуынша, бірнеше әйел алуды шешетін бәйбіше. «Үлкен әйелім сыр бермейді. Негізі бәрін шешетін бірінші әйел. Одан ешкім аса алмайды. Екі әйеліммен бір шаңырақтың астында 23 жыл бірге тұрдым. Балалар да бірге өсті. Қазір кіші әйеліммен тұрамын. Үлкен екеуі қалада тұрады. Үйде қызғаныш, ұрыс-керіс деген болмайды. Балалардың тойларын бірге атқарамыз. Әйел алу ойыншық емес. Оны Алланың өзі реттейді», — дейді көп әйел алуды қолдайтын азамат.
Әйтеке би ауданында тұратын азамат  шаруашылық қамымен Ақтөбеге жиі келеді екен. Ол кезде  бәйбішесінің үйіне тоқтайды. Ал кенже әйел ауылда шаруашылықтың басында.

«Қазақ көбеюі керек. Көп әйел алу — атадан қалған нәрсе. Бірақ көп әйел алуды да, көбеюді де шешетін алдымен Алла, екінші бәйбіше», — дейді ол.

Айтпақшы, кәсіпкер азамат  «Шыңғыс» шаруа қожалығының басшысы. Жылқы шаруашылығымен 12-13 жылдан бері айналысады. 10 жұмысшысы бар. Барлығына көмектесіп тұрады. Жыл сайын әр жылқышысына бір-бір биеден ұстатады. Құда жолы, той-томалақтарын атқарысады.
4 жыл бойы эксперимент жасаған ол бүгінде қымызды 7-8 ай бойы ашытпай, қаңсытпай сақтай алатын болыптыі. «Жақында Ақтөбеде өткен ауылшаруашылығы жәрмеңкесіне қатыстым. Былтыр маусым айында сақтауға тастаған қымызды шығардым. Тұп-тұщы. Сол күйінде тұр. Халық талап алып кетті», — деді кәсіпкер.