Шымкент әкімі балалармен бірге сабяқта көңіл көтерді
Шымкентте «1 маусым—Халықаралық балаларды қорғау күні» мерекесіне арналған «Нұрлы болашақ» бүкілқазақстандық акциясының мерекелік шарасы өтті. Орталық саябақтағы «Бақытты жас ұрпақ» салтанатты шарасына қатысқан Шымкент қаласының әкімі Ғабидолла Әбдірахымов барша балаларды мерейлі мерекесімен құттықтады. Бұл туралы қала әкімдігінің баспасөз қызметі мәлімдеді.
- Құрметті шырайлы Шымқаламыздың тұрғындары. Біздің кішкентай бүлдіршін балалар! Сіздерді балаларды қорғау күнімен шын жүректен құттықтаймын! Бала – біздің болашағымыз, сол себепті біз балаларымыздың қалыпты өмір сүруі үшін, олардың құқықтары сенімді қорғалуы үшін қажетті жағдайдың бәрін жасауға міндеттіміз.
Бұл бағытта, Елбасымыз Нұрсұлтан Әбішұлы Назарбаевтың басшылығымен елімізде барлық билік органдары назарын жас буынды тәрбиелеуге, олардың өзекті мәселелерін шешуге, әлеуметтік базаны нығайтып, дамытуға көңіл бөлуде. Жас дарындарды қолдауға, ата-ананың аялы алақаны мен жүрек жылуынан айырылған балалар мен мүмкіндігі шектеулі балаларға ерекше көмек көрсетуге назар аударып келеді, – деді қала әкімі өз сөзінде. Айта кетерлік жайт, бүгінгі мереке қарасында Шымкент әкімі №62 «Ботақан» балабақшасының салтанатты ашылу салтанатына да қатысты.
Заман талабына сай барлық бөлмелермен жабдықталған бұл бөбекжай 320 орындық 16 топқа негізделген. Атап айтатын болсақ, балаларға арналған ойын бөлмесі, асхана, жасөскіндердің ән шырқап, би билеуіне арналған музыка залы, салауатты өмір салтын қалыптастыруға арналған спорт залы, әр топқа арналған ойын алаңшалары бар.
- Аким Шымкента
- аким горола Шымкент
- Габидолла Абдрахимов
- Ғабидолла Әбдірахымов
- Шымкент әкімі
- балалар күні
- Корреспондент
- қызық ақпарат
