Шымкентте қайын атасы күйеу баласының құрметіне турнир өткізіп берді
Шымкентте бокстан Сидней Олимпиадасының күміс медаль иегері Мұхтархан Ділдәбековтің жүлдесіне арналған турнир өтті. Бұл додада әлемнің бес елінен, нақтырақ айтқанда Қазақстаннан бөлек Моңғолия, Өзбекстан, Тәжікстан және Қырғызстанның жас спортшылары бақ сынасты. Қатысушылар 13 салмақ дәрежесі бойынша сынға түсті. Жарыстың ашылу салтанатына Оңтүстік Қазақстан облысы әкімінің орынбасары Ұласбек Сәдібековпен бірге бірқатар спорт ардагерлері қатысып, қатысушыларға сәттілік тіледі. Бес күнге жалғасқан турнирде он үш алтын медаль сарапқа салынған болса, соның онына оңтүстікқазақстандық спортшылар ие болды.
Бұл турнирді Оңтүстік Қазақстан облыстық жоғары спорт шеберлігі мектебі ұйымдастырып отыр. Тілшілерге берген сұхбатында Мұхтархан Ділдәбеков аталған мектепке осындай халықаралық дәрежедегі турнирді өткізіп отырғаны үшін алғыс білдірді. Айта кетейік, Ділдәбеков алғыс білдірген спорт мектебіне өзінің қайын атасы, яғни, жары Альбина Елшиеваның әкесі Балғабай Елшиев басшылық етеді.
- Мухтархан Дильдабеков
- Мұхтархан Ділдәбеков
- Альбина Елшиева
- Балғабай Елшиев
- Сидней Олимпиадасы
- бокс
- турнир
- корресопндент
- қызық ақпарат
Пікірлер
