Қарағандыда баласын қоқысқа тастаған ана: "Баланы өлтіргім келсе, оған тәсіл көп"
Қарағанды облысында қоқыс багынан табылған сәбидің 18 жасар анасы өз баласының өмірін қиюға тырыспағанын айтады, деп жазады Today.kz прокуратурадағы мәлімет көзіне сілтеме жасай отырып.
"Ол қайта сәбиді қоқыс багының көрінеу жеріне қойып, өмірін сақтап қалғысы келгенін айтады. Оның айтуынша, өлтіргісі келсе, оған тәсіл көп еді, бірақ олай істемеген. Дегенмен, сәбидің бетін дәретхана қағазымен жауып, осы арқылы тыныс алуын неге қиындатқанын түсіндіре алмады", - деп хабарлайды прокуратурадан.
Сәбидің анасын қызметтік иттердің көмегімен тапқан, иттер із тауып, бойжеткеннің тұрып жатқан үйіне әкелген. Қазір онымен тергеуші жұмыс істеп жатыр және оған тағылатын айып, "Қауіпке қалдыру" бабынан "Сәбиді анасының өлтіруге тырысуы" бабына аурыстырылды.
Қазіргі кезде ол Жезқазған ауруханасында гинекологтардың қарауында жатыр. Денсаулығы түзелгеннен кейін қандай бұлтартпау шарасы қолданылатындығы шешіледі.
Естеріңізге салсақ, 17 мамыр күні Қарағанды облысында қоқыс багынан жергілікті тұрғын пакетке оралған сәбиді тауып алған.
Дәрігерлердің ақпараты бойынша, бала дүниеге жеті айлық болып келген. Далада ұзақ жатып қалғандықтан суық өткен. Қазіргі кезде ол инкубаторға жатқызылды.
- көкек ана
- тастанды бала
- оқыс оқиға
- Қарағандыда қоқыстан бала табылды
- Корреспондент
- қызық ақпарат
