Оңтүстік Қазақстан облысында «Доширак» кеспелеріне арналған дәмдеуіштер өндірілетін болды. Мұндай келісімге облыс әкімінің ТМД бойынша «Доширак коя» корей компаниясының бас директоры Е.Киммен кездесуі себеп болған. 

Павлодар қаласының әкімі Болат Бақауов жергілікті тұрғындарды кәсіпкерлікті дамытуға шақырды. Тіпті қай сала бойынша нендей жұмыс жасау қажеттігі туралы да жайып салды.

«Б» корпусындағы мемлекеттік қызметкерлер енді бір қызметте алты жылдан артық отыра алмайды. Өйткені бұл корпусты басқару деңгейі үшін ротация институты енгізілмек.

Енді мемлекеттік қызметкердің тәртіптік жазасының болуы еңбекақы төленуіне кәдімгідей әсер етеді. Яғни, бонустық бөлік секілді еңбекақы төлеу жүйесі арқылы жазасы барлар белгілі бір көлемдегі қаржыдан қағылатын болады.

Қарағанды облысының әкімі бесобалықтардың баспана мәселесін биыл шешіп, бұл проблеманы жауып тастайтынын айтты. Аймақ басшысы Н.Әбдібеков Орталық коммуникациялар қызметінде өткен брифингте бұл мәселені оң шешуге барынша тырысатынын жеткізген. Тіпті әкім кедергілердің де орын алғанын жасырмаған.

ЮНЕСКО 2016 жылды «Ясауи жылы» деп жариялады. Демек, биыл ислам дінінің қазақ топырағы таралауына тікелей себепкер болған Ахмет Ясауи бабамызға арналған үлкен іс-шаралар өтеді деген сөз.

Мемлекеттік қызметкер тек жұмыс уақытында ғана емес, қызметтен тыс кезде де белгілі бір тәртіптерге бағынуы керек.