Шымкенттік кәсіпкердің пышақталған он бір жасар қызы есін жиды. Облыстық балалар ауруханасы бас дәрігерінің орынбасары Болат Нұсқабаевтың айтуынша науқас есін жиғанымен жағдайы ауыр. Еске салсақ, 2015 жылдың 23 қазан күні «Самал» шағынауданында тұратын кәсіпкердің үйіне қарақшы түсіп, үйдегі үш әйелді пышақтап тастаған-ды. Оқиға күндізгі 10.30-дар шамасында, отағасының жұмысқа шығып кеткен кезінде орын алған.

Қоғамдық көліктердің жолда жарыса жөнелетіні, жол ережелерін жиі бұзатыны, ыңғайы келсе бір-бірін басып оза жөнелетіні жайында аз айтылып жүрген жоқ. Таяуда айтпасқа болмайтын бір қайғылы оқиға орын алды. Айдың-күннің аманында отыз жеті жастағы келіншекті қапелімде автобус (№78 бағыттағы) қағып, тіл тартпай кетті. Ізінде қос құлыны шырылдап жетім қалды.

Өткен аптаның соңында Шымкенттің туған күнін кең көлемде атап өттік. Биыл бұл датаны тойлау бір аптаға жалғасты. Қазанның 10-нан бастау алған іс-шаралар жоспарға сай өтіп жатты. Бір аптаның әр күні өзіндік атауға ие болып, «Жаңару мен тазалық», «Саламатты өмір салты күні», «Болашақтағы - Шымкент», «Шымкент – достық мекені», «Ғасырлар тоғысындағы қала», «Шуағын шашқан Шымқала» шаттық күні айдарларымен аталып өтілді. Тек қала күні белгіленген датада, яғни, 17 қазанда кейбір іс-шаралар жоспардан тыс өзгерді.

Асқар Мырзахметов әкім болып тұрған тұста қолға алынып, салына бастаған ең үлкен құрылыстың бірі де бірегейі жаңа әкімшілік-іскерлік орталық болатын. Айналасы атшаптырым жер. Мұнда театр дейсіз бе, көрме орталығы, мектеп, балабақша сияқты әлеуметке қажеттінің бәрі бар. Цифрларды сөйлетсек осынау орталықтың құр жерін сатып алуға бас-аяғы 1 млрд 833 млн теңге кетіпті. Сол кездегі бағаммен тұп-тура 10 млн доллар. Осындағы ғимараттардың жобалық-сметалық құжаттамасын әзірлеуге 14,5 млн теңге шығындалған. Ал, жалпы жаңа әкімшілік-іскерлік орталықтың құрылысына 82 млрд теңгеден астам қаражат кеткен. Бұл дегеніңіз - 500 млн доллар. Қырғызстан сияқты елдердегі ЖІӨ-нің 10 пайызға жуығы.

Оңтүстікте мақта теру науқаны қызып тұр. Қазірдің өзінде мақтаның бірінші терімі аяқталып келеді. Биылғы маусымда 265 мың тонна мақта жинау жоспарда бар. Күнгейдегі мақташылар 99 мың гектарға шит сеуіпті. Дәл қазір межеленген ақ алтынның 54 пайызы жинап алынған.

Астанада жолаушылар автобусы апатқа ұшырап, үш жолаушы мен жүргізуші жарақат алды. Медициналық тексерістен кейін зейнеткер әйелдің омыртқасы сынғаны анықталып, ауруханаға жатқызылды, деп хабарлайды BNews.kz тілшісі. Бұл туралы ІІД ӘПБ ерекше тапсырмалар жөніндегі аға инспекторы Лариса Красникова мәлім етті.

Батыс Қазақстан облысында екі күннің ішінде бірнеше улану оқиғасы орын алып, 5 адам қайтыс болды, деп хабарлайды BNews.kz.

Қыркүйек айының соңында Астана вокзалында төтенше оқиға болды. Пойыз астына түсе жаздаған жолаушыны полицияның аға сержанты аман алып қалған, деп хабарлайды Bnews.kz.

Павлодар облыстық балалар ауруханасының дәрігерлері жеткіншектер өртеп жіберген Набережное ауылының 11 жасар тұрғынын аман алып қалды, деп хабарлайды Вnews.kz тілшісі.