Шымкентте қаланың қақ ортасында көлік өртеніп кетті
Шымкентте қаланың қақ ортасында жеңіл автокөлік өртенді. Абырой болғанда зардап шеккендер жоқ, деп хабарлайды Отырар арнасы.
Республика даңғылында Hyundai Sonata автокөлігі толық жанып кеткен. «Скороход» аялдамасы жанында тұрған көлік кенеттен жана бастаған.
Куәлер дереу полиция мен өрт сөндірушілерге хабар береді. Келеңсіз жағдайдың кесірінен көшеде көлік кептелісі пайда болды. Оқиға орнына келген полицейлер бірнеше минуттың ішінде жол қозғалысын ретке келтірген.
Өрт сөндірушілерге суыт хабар 19:36-да түскен. Көрсетілген мекенжайға 2 арнайы техника мен 8 өрт сөндіруші келді. Көліктің жүргізушісі екі қолын бірдей күйдіріп алған. Дегенмен, оқиға орнына келген жәдел жәрдем алғашқы көмек көрсеткен соң 44 жастағы азамат ауруханаға жатудан бас тартты.
- шымкент
- ЮКО
- Полиция
- қызық ақпарат
