Студенттерден пара сұраған ОҚО оқытушысы жұмыстан кетіп, ауырып қалды
Фото: видеодан скриншот алынды
Әлеуметтік желілердің бірінде Оңтүстік Қазақстан облысы, Түлкібас ауданындағы "Агробизнес және саяхат" колледжінің Нұржамал есімді оқытушысының ашық түрде студенттерден емтиханнан өткізу үшін ақша талап етіп отырғаны туралы видео пайда болған еді.
Колледж директорының орынбасары Бақыт Дәулетовтің айтуынша, бұл жағдайдан кейін ұстаз жұмыстан босатылған, деп хабарлайды ТВК арнасы хабарлады.
Математика пәнінің оқытушысы Нұржамал Жанбосынованың ұстаздық еңбек өтілі - 27 жыл. Екі ұлы, бір қыз тәрбиелеп отырған білім салласының маманының бұл жағдайдан кейін қан қысымы көтеріліп, төсек тартып жатыр екен. Мұны арна тілшілеріне Жанбосынованың ұлы айтқан. Жұмыстан кеткен педагогтың әріптестері оның бұл әрекетіне аң-таң.
© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Пікір үстеу
