Елімізде Қошқар атаның атымен аталатын ауыл да, өзен де, кесене де көп. Елімізден бөлек, өзбек пен қырғыз ағайындар да «Қошқар атадан» құралақан емес көрінеді. Шежірешілердің сөзіне сенсек, Қазақстанда тап осы атауды арқалап тұрған 11 ауыл бар екен.

(Соңы. Басы өткен нөмірлерде)

Біз жоғарыда Қожа Ахмет Яссауидің туысы Садр шейхтың Данышманд қожа және Абд ал Малик деген екі ұлы болған деген едік. Қазір осы Садр шейхтың Момын деген үшінші ұлы да болғаны айтылып жүр. Қожа Ахмет Яссауидің жалғыз ұлы Ибрагим дүние салған соң оның інісі Садр шейх үшінші ұлы осы Момынды Қожа Ахмет Яссауидің қолына береді. Содан осы Момын атаны ел Қожа Ахмет Яссауидің ұлы деп түсініп кетеді. Бұл жөнінен Р.М.Мұстафина : «Садира был сын Ходжа Момын ата Ходжа Ахмет относился к нему как к своему сыну. Люди так и называли его сыном Ходжа Ахмета Ясави»-дейді(Р.М.Мұстафина. Представления, культы, обряды у казахов. Алматы 1992г. 78 стр.).

(Жалғасы. Басы №6)

Бексейіт бақсы кезінде бүкіл қазақ даласына танымал кісі екен. Оның үстіне ол сол Қошқар ата ауылының тұрғыны. Оның үстіне сол кісіден жазып алған кісі де елге танымал ғалым. Демек, әулиенің кесенесін тұрғызған кісіні біз де «Таш» деген кісі деп түсінеміз. 

Соғыстың ауыр жылдары, менің әлі мектеп табалдырығын аттамаған кезім еді. Сырқат меңдеп төсекке таңылыппын. Бірде анам «қисаңдауың көбейіп кетті, орныңнан тұр» -деп мені жетектеп Қарадуана атаға алып келді. Анамның Қарадуана дегені бізге ұзақ емес Назарбай ата болып шықты. Ата мені өзіне қарама-қарсы отырғызып қойып маған «суф, суф, суф» деп дем сала бастады. Әрбір «суф» деген сайын ол қамшы сілтеп отырды. Сондағы атаның айтатыны «Исмаил ата әулие, Қошқар ата әулие, Сөксөк ата әулие, Пәрпі ата әулие, өздеріңнен медет сұраймын, ниетімді қолдай гөр, Алла!» деп қоятын еді. Ата әліпті таяқ деп білмейтін кісі болса керек. Құранның аят, сүресін айтты ма, әлде айтпады ма, ол жағы менің есімде қалмапты. Есімде қалғаны анама былай деді: «Бала бір киелі жерді басқан екен, бәрін бойынан тазарттым, енді ол ауырмайды, өмірі ұзақ болады» -деп бата жасап, бізді өзі үйінен шығарып салды. Бақсам содан бері де қазір 70 жыл өтіпті. Мен де содан жетпіске келгенше басым ауырып, балтырым сыздаған емес.