Әне-міне дегенше қой жылымен де қоштасатын уақыт таяп қалды. Қоғамдағы қандай тақырыпта сөз қозғамайық, әңгіменің ақырын денсаулықпен түйіндейтін әдетіміз бар ғой. «Ден сау болсын, бір мәнісі болар» дегенді сөздің қорытындысы ретінде көп айтамыз. Ендеше біз де келе жатқан Мешін жылы медицина саласында қандай өзгерістер орын алады деген сауал төңірегінде сөз қозғап көрсек...

...Ұлы ұстаз Сальери өмірінің соңына дейін Моцарттың өліміне кінәлі болып өтті. 

Жазықсыз жалалы болудан өткен қорлық жоқ екенін ескерсек, әлемге әйгілі Бетховен мен Шубертты оқытып, Вена классиктерін тәрбиелеп-тәлім берген ұлы ұстаз Сальериді жазықсыз жапа шектірген кім? «Моцартқа у берді» деген ауыр айып қалай тағылды? Және, ең өкініштісі, бұл айыпты ол өмірінің соңына дейін, тіпті өлгеннен кейін де біраз жыл жер астында жатып та көтерді емес пе? Бар өмірін бала оқытуға, яғни ізгілікке арнап отырып жалалы болғанын қараңызшы... Бірақ, ақыры ақталды. Аттай 178 жылдан кейін...

Рухани өмірде түрлі тартыстар болып тұрады. Бұл жаңа дүниетаным орнығып, рухани құндылықтарға көзқарастардың өзгере бастағанынан өрістеген қалыпты жайт болса керек. Өткен дәуірлерде өмір сүрген жыршы-шайырлардың мұралары түгілі бүгінгі қаламгерлердің жазған-сызғандарының өзі тәуелсіздік кезеңінде қайта сүзгіден өтіп, сарапталып жатқан тұста «Жамбылды неге жағасынан аласың?», «Сүйінбайға сүйкенуге қандай хақың бар?» дегеніміз тіпті жараспайтын тірлік болып көрінетіні рас. Алайда, Сүйінбай мен Жамбыл жайы «қашанғы іштен тынып, жасыра беруге болады, әйтеуір біреу батылдық тауып айтуы керек қой» дейтін өте нәзік мәселенің қатарында келе жатқанын жасыра алмаймыз.

Әуелден ауылы аралас, қойы қоралас жатқан екі аудан – Мақтаарал мен Шардараның арасындағы төте жолдың жабылғандығына биыл бес жыл болды. Қазақ – Өзбек шекарасын делимитациялау кезінде жіберілген бір қателіктің кесірі күн санап ұлғайып барады. Бұрын екі ауданның ара-қашықтығы ары кеткенде 60-70 шақырымды құраса, бүгінде екі аудан халқы бір-біріне қатынау үшін теріс бағыттағы Сарыағаш арқылы 150 шақырымды жүріп өтуге мәжбүр. Одан да маңыздысы, ата-бабаларымыз ақ найзаның ұшына үкі тағып жүріп қорғаған қаншама жер-анамыздан айдың-күннің аманында айырылып отырмыз. Ең өкініштісі, кеше ғана өзіміздің жеріміз болған аймаққа аяқ басқанымыз үшін айыпты болып, шетімізден атылып жатырмыз. Бұдан өткен қорлық болар ма?

Шымкент 2020 жылға дейін көпшілік сүйсіне қарайтын сұлу қалаға айналмақ. Ол үшін қаланың әлеуметтік-экономикалық даму тұжырымдамасы түзілді. Онда небір алып жобалар мен тіпті бұған дейін қала тарихында болмаған орталықтар салу жоспары енген. Сейсенбі күні қала әкімі аталған тұжырымдаманы облыс басшысы мен депутаттар алдында таныстырды. «5 жылдық даму жоспарының негізгі мақсаты – қаланы тұрғындар мен қонақтарға тартымды болатын заманауи мегаполиске айналдыру» деп сөзін бастаған Шымкенттің әкімі Ғабидолла Әбдірахымов негізгі үш міндеттің тұрғанын, оның бәрі де халықтың ыңғайлы өмір сүруіне арналғанын атап өтті. Тұжырымдаманы әзірлеуге екі ай уақыт жұмсалған. Оны дайындауда жергілікті әкімдік өкілдері тұрғындар арасында әлеуметтік сауалнама жүргізіпті. Оған қатысқан халықтың 41,5 пайызын жұмыссыздық мәселесі толғандырады екен. Айта кетейік, бүгінде 23 мыңнан астам шымкенттік екі қолға бір күрек таппай сенделіп жүр.