Сирия – бүгінде әлемге үстемдік орнатқысы келетін державалардың ойын алаңына айналды. Солтүстік Африкадағы Кремльге жақтас елдің басшыларын тақтан тайдыруға барын салған АҚШ пен оның сателиттері Таяу шығыстағы Ресейдің Ираннан кейінгі соңғы тірегі – Сирияның саяси құрылымын өзгертуге тырысып-ақ жатыр. Ал, Сириядағы ықпалын жоғалтса ары қарай қара құрылыққа қолы мүлдем жетпей қалудан қауіптенген Ресей бас-көзге қарамай «жаппай төбелеске» қойып кетті.

Қазақ «мамыражай» дейтін қой жылы дүрбелеңге толы жыл болды. 2015 жылы әлемдегі саяси тұрақсыздық тереңдей түсті. Алпауыт мемлекеттердің бір-біріне қырғиқабақ болып, өзара саяси қақтығысы, жұртты жылатқан жаугершілік пен әлемді шулатқан оқиғалар орын алды. Әлемдік рецесияның екінші толқыны дамушы елдердің нарығын шайқалтып кетті. Дегенмен, осы қарбаласта күн шуағындай көңілге үміт ұялататын жаңалықтар да орын алды. Өткен жылды «Корреспондент» газетінің көзімен бір қарап көріңіз.

Қазанның 28 мен қарашаның 3-і аралығында АҚШ-тың мемлекеттік хатшысы Орталық Азия елдерін аралап шықты. Бұл Джон Керридің осы қызметке тағайындалғалы бұл аймаққа жасап отырған алғашқы сапары. Сарапшылар о бастан-ақ бұл шараның имидждік екеніне, оның барысында қандай да ірі саяси не экономикалық келісімдер мен мәліметтер болмайтынын болжаған.

Қытай «Бір отбасы – бір перзент» саясатынан бас тартты. Елді билеуші Қытай компартиясы халық санын реттеуге қатысты ұстанымын жұмсартатынын мәлімдеді. Алайда, заң түрінде бекітілген жоқ, мұны әлі парламент мақұлдауы тиіс. Отыз алты жылдан бері Қытай «бір отбасы – бір перзент саясатын» қатаң сақтап келді. Бұл өз кезегінде елде жасанды түсік пен заңнан тыс туған баланы өлтіріп тастаудың өршуіне әкеп соқтырған. Тек 2013 жылдың соңына қарай билікке жаңа буын өкілдері келісімен бұл саясатты қайта қарау мәселесі айтыла бастаған-ды.

Aer Lingus әуе компаниясының EI485 рейсімен Лиссабоннан Дублинге ұшқан ұшақтың бортында жолаушы қайтыс болды. The Irish Independent-тің хабарлауынша, оқиға жексенбі, 18 қазан күні орын алған.

Массачусет технологиялық институтының ғалымдары адам түйсігінен  басым түсетін  жасанды интеллект ойлап тапты.

Жексенбі күні Колумбия астанасы Боготада шағын ұшақтың апатқа ұшырауы салдарынан бес адам қаза тапқан. Бұл туралы 19 қазанда Associated Press хабарлап отыр.

БҰҰ Бас хатшысы Пан Ги Мун Мальтада өтетін Еуроодақ басшыларының кездесуінде Еуропадағы көші-қон дағдарысы кешенді шешімін табады деп сенеді. Бұл туралы ол  Словакия астанасы Братиславада өткен баспасөз м2слихатында мәлімдеді, деп хабарлады РИА Новости.