Подробнее ...

Оңтүстік Қазақстан облысындағы Бәйдібек ауданында Орынбай Тайманов атындағы елдімекен бар. Кеңес Одағының тұсында Төменгі Боралдай совхозы деп аталған ауылдың тыныс-тіршілігі қыз-қыз қайнап жататын. Аталмыш кеңшарда бір сиыр кешені, 15 шақты отар қой, 2 асыл тұқымды шошқа кешені, қаптаған тракторлар мен жүк машиналары, ертегідегідей егіні мен егістігі болған. Сондықтан да ауылдан мемлекетке жылына тонна-тонна ет, жүн, бидай өткізіліп жататын болса, тағы тонна-тонна сүтіңіз күнделікті тапсырылатын. Ерен еңбектің үлгісін көрсетіп, нәпақасын тапқан ауыл халқы дән разы еді. Тұрмыстары тұшымды болатын. 

Айдарымыздың бүгінгі кейіпкері – Бәйдібек ауданының әкімі Батырбек Көшербай. Батырбек Көшербай 1967 жылдың 15 шілдесінде Оңтүстік Қазақстан облысы, Төлеби ауданына қарасты Мәдени ауылында дүниеге келген. 1974 жылы Леңгір ауданы, Коммунизм колхозындағы «Мәдени» жалпы орта мектебінің табалдырығын аттаған. Мектепте оқу озаты болмаса да, есеп шығаруда алдына жан салмай, қатарластарын шаң қаптырып жүріпті. Жас болып, талай бұзықтық та жасаған. 8-сыныпты бітірген соң өзге сыныптастары секілді техникумға құжат тапсырады. Сөйтіп, 1982 жылы Шымкент кооперативті техникумының студенті атанады.