Бәйдібек ауданында астық ору науқаны басталды
news.ivest.kz
Бәйдібек ауданында егінге орақ түсті. Жалпы, ауданда биыл масақты дақылдардың егіс көлемі 31 мың 824 гектар жерге егілген. Бүгінгі таңда 3540 га бидай орылып, қамбаға 6600 тонна өнім жиналды. Ал арпаның 960 гектары орылып, 960 тонна өнім алынды, деп хабарлайды BNews.kz.
Жалпы, ауданда 107 бірлік комбайн тіркелсе, оның 79-ы орақ науқанына қатысып жатыр. Шаруалар егін орағы науқанымен қатар, мал азығын дайындау жұмыстарын да қатар жүргізуде. Осылайша мал азығының 202 тоннасы дайындалды.
Агротехникалық талаптардың сақталуы, жаңа технологияларды қолдану және мемлекет тарапынан дер кезінде берілген қолдаулардың арқасында биылғы жылы астықтың мол өнімін өсіруге қол жеткізіп отырмыз дейді бәйдібектік диқандар.
Алдын-ала жасалған болжам бойынша 31 мың 824 гектар масақты дақылдардың әр гектарынан 16 центнерден 51 мың тоннаға жуық астық жиналады.
© 2015 "Корреспондент" газет материалдарын қолдану үшін www.korr.kz сілтемесін көрсетуіңіз міндетті.
Теги
- Бәйдібек ауданы
- астық ору
Пікір үстеу
