Тар костюм киген әкім халқына кеңдік жасай ала ма?
Күнгей облыстардың біріндегі киелі бір шаһардың әкімінің киім киісі сол шаһардың тұрғындарын күлкіге қарық қылып жүрген көрінеді. Айтуларынша, әлгі әкім үнемі денесіне өте тар костюм киіп жүреді екен. «Қашан көрсең тар костюмнің ішінде қысылып жүреді.
Соны өзі таңдап алады ма, әйелі әкеп бере ме, әлде ойнасы таңдайды ма екен? Мүмкін, кеңдеу костюм алуға ақшасы жетпей жүрген шығар? Жетпесе, жабылып ақша жинап, дені дұрыс бір костюм-шалбар әперейікші» деп, қала халқы жылу жинаудың аз-ақ алдында отыр екен. Жалпы, байқауымызша, тар костюм кию әншілер мен шетелдің әртістеріне тән. Қашан көрсең үстіне бірдеңені жабыстырып, тыртаңдап жүреді. Бірақ енді әкім деген әртіс емес қой. Кім біледі, бірақ. Мүмкін, жан дүниесі әртістікіндей шығар. Бірақ бар ғой, тар костюм киіп, өмірдің кеңдігін сезінбеген әкім халқына қайбір кеңдік жасап жарытар дейсің, иә?
