Қарағанды, Оңтүстік және Шығыс Қазақстан, Алматы облыстары мен Алматы қаласы педофилы көп аймақтар тізімінде көш бастап тұр. Бас прокуратураның Құқықтық статистика және арнайы есеп комитеті осындай қорытынды жасаған.

Қазақстандық Үкіметтік емес ұйым өкілдері екі жақтың татуласуына байланысты адам зорлауға қатысты қылмыстық істердің қысқартылуын доғаруды талап етіп отыр. Одан бөлек сексуалды зорлық-зобылық жасағандардың жазасын ауырлатып, педофилдер мен топ боп адам зорлағандарды өмір бойы бас бостандығынан айыруды сұрайды.

Соңғы он жылда Оңтүтік Қазақстан облысы катаклизмнен көз ашпай келеді. Бірде тыныш жатқан елге тосыннан топан су келіп, топалаң тигендей етсе, енді бірде қаптаған қара шегіртке шаруаны шырылдатып кетеді. Әйтеуір жыл құрғатпай бір оқиға орын алып тұрады. Ал, түн ұйықтамай, күндіз отырмай халықтың қамын ойлаған атқамінерлеріміз бар айыпты табиғат анаға жауып тынады: «недерсің, апат айтпай келді, табиғатпен тілдесе алмадық, сондықтан білмедік». Ал, судың тасуына себепші болған тазаланбай қалған арық-атыздар мен дер кезінде дәріленбей қалған алқаптар ұмыт қала береді. Жарайды, оны табиғат құбылысқа жатқыза салайық. Ал, адамдар арасындағы қарым-қатынасқа кім жауапты?

Ағымдағы жылдың 11 шілдесі күні кешкі уақытта Шымкенттегі полиция бекетіне  1969 жылы туылған жергілікті тұрғын шағымданып келген. Өз шағымында ол Ордабасы алаңының аумағында 30-35 жас шамасындағы белгісіз ер кісі 2011 жылы туылған қызын қорламақ болғаны туралы арызданған. Сонымен қатар жергілікті ақпараттық сайттардың бірінде Шымкент қаласы Ордабасы алаңы аумағында 34 жастағы мас халдегі белгісіз ер кісі 5 жастағы қызды педофилдік әрекетпен қорламақ болғаны туралы ақпарат жарияланған болатын.