Алматыда KitapFest өтті

Алматы қаласында өткізілген кітап фестивалі қала тұрғындары мен қонақтарына ерекше қуаныш сыйлады. Кітаптар әлеміне саяхат жасайтын KitapFest қаламызда осымен екінші рет өткізіліп отыр. Оңтүстік астанамызда ұйымдастырылған мәдени іс-шараның биылғы тақырыбына ересектерден бөлек, жас бүлдіршіндердің де қызығушылығын оятатын балалар әдебиеті мұрындық болды. Жобаны ұйымдастырушылардың басты мақсаты - жастар мен балалар арасындағы кітап оқу дәстүрін жандандыру, әдебиет дәрежесін көтеру және қала халқын кітап оқуға үндеу. Фестивальден Massaget.kz басылымының фототілшісі репортаж ұсынады.