Сүйінші! 2016 жылдың алғашқы үш айында Оңтүстік Қазақстан облысында «Ontustik Tourism Center» атты туристік-ақпараттық орталық жұмысын бастайтын болды. Бұл туралы облыс әкімдігінің баспасөз қызметі хабарлайды.

Оңтүстік Қазақстан облысының орталығы Шымкентте елімізде теңдесі жоқ көркем гимнастика кешені пайдалануға берілді. Нысанның құрылыс жұмыстарын «КДСМ» ЖШС жүргізген. Бой көтергеніне көп уақыт бола қоймаған әкімшілік-іскерлік орталығында салынған спорттық кешен 8 блоктан тұрады. 

Шымкенттің қақ ортасында Асанбай Асқаровтың атындағы көше бар. Осы көшенің бойында көзге көрінетін жерде болмағандықтан ба, №14 үй үнемі елеусіздеу қалады. Биыл да қаланың көркін келтіріп, шырайын аша түсу үшін көп жұмыс жасалғанын білеміз. Алайда, тұрғындарының басым бөлігін жалғызілікті жандар мен зейнеткерлер құрайтын бұл үйдің күрделі жөндеуі тағы да тізімнен «сыпырылып» түсіп қалған сыңайлы. 

Елбасы Н.Назарбаевтың 30 қарашада ел халқына жолдаған «Қазақстан жаңа жаҺандық нақты ахуалда: өсу, реформалар, даму» атты Жолдауы Оңтүстік өңірінде де кеңінен насихатталуда. Жолдау мазмұнын түсіндіру мақсатында сонау Астанадан қонақтар келіп жатыр. Солардың бірі - Қазақстан халқы Ассамблеясы төрағасының орынбасары-хатшылық меңгерушісі Ералы Тоғжанов.

Шымкентте «Қазақс-тан жаңа жаһандық нақты ахуалда – әйелдер үшін жаңа мүмкіндіктер» атты халықаралық әйелдер форумы өтті. Оған ҚР Мемлекеттік хатшысы, Президент жанындағы Әйелдер істері және отбасылық-демографиялық саясат жөніндегі ұлттық комиссия төрайымы Г.Әбдіқалықова арнайы қатысты. Іскер әйелдердің басы қосылған форумды Оңтүстік Қазақстан облысының әкімі Бейбіт Атамқұлов жүргізіп отырды.

Баспасөз - билік пен халық арасындағы алтын көпір. Қарапайым адамдар билік басындағыларға айтатын базынасын көбіне баспасөз арқылы жеткізіп жатады. Әрине, әкімнің алдына кіру оңай емес. Алдын-ала жазылып, ұзақ-сонар кезек күтесің. Оның үстіне баспасөз арқылы айтылған арыз-шағымға билік тарапы да бей-жай қарамайды деген сенім бар. Сол себепті шығар, қолына «Корреспондент» газетінің өткен аптада шыққан нөмірін алып, бір оқырман келді.

«Мінгендер жолақысын дайындап тұрайық!», «Ортаға кіріп тұрыңыздар. Есіктің аузында тұр-маңыздар...», «Ұнамай ма, таксимен жүр!». Бұл шымкенттік жұртшылық үшін өте таныс. Тіпті кейбір тұрғындар мұны күн сайын естіп, мезі болған. Сіз де іштей сезіп отырған шығарсыз?..

Шымкент орталығындағы «Қызғалдақ» субұрқағы алынатын болды. Оның орнына жаңа субұрқақ салынады. Бұл қаланың 2020 жылға дейінгі әлеуметтік-экономикалық даму тұжырымдамасына сай жүзеге асады.