«Бәрі жақсы болады» деп ән салып, талай хит туындылардың орындаушысы атанған Бүркіт көпшілікті таң қалдырды. Ол анау-мынау емес, жиырма алты жыл бұрынғы ескі көліктерге қызыға бастапты. Тіпті құжатсыз автомобильді сатып алуға дайын. Бұл туралы хабарландыруды өнер жұлдызы өзінің инстаграм желісіндегі парақшасында  жария етті.

Жасы 75-ке жақындаған қазақстандық ақын Исраил Сапарбай дүниеден озғанша ғашық болып өтемін дейді. Тіпті  әлі күнге дейін әдемі қыздарды көрсе, жүрегі лүп ете қалатынын да жасырмады. Бұл жөнінде өнер иесі Оңтүстік Қазақстан облысындағы арналардың біріне берген сұхбатында айтты.

Біріккен Араб Әмірліктерінде он жылдан бері әр елден ел жиып, той өткізетін үрдіс қалыптасыпты. Бүгінде мұндай тойды бұл елдiң шейхы байлығын көрсетіп, шетелдегi жақсы дүниелерді елiне алдырып, танысу үшiн ұйымдастыратын көрінеді. Бір қарағанда бағзының хандарының көне тәсіліне көбірек келіңкірейтін бұл үрдіс бүгінгінің шынайы шашылуы емес пе?!

Ресейдің талантты кинорежиссері Эльдар Рязанов өткен дүйсенбіде 89 жасқа қараған шағында дүниеден өтті. Оның қазасын тек орыс халқы ғана емес, кеңестік идеологияға бірге қызмет еткен бұрынғы одақтас республикалар да ауыр қабылдады. Аты қаншама атақтармен айшықталса да орыс кино өнеріне таланттардың тұтас галлереясын жасап берсе де, соның бәрін жиып тастап, жай ғана Эльдар Рязанов десек, күні кеше кеңестің шекпенінен өріп шыққандардың бәріне өз адамы секілді түсінікті бола кетеді. Себебі Рязановтың фильмдері қатпарлы философиялық ауыр ойға емес, қатардағы, күнделікті оқиғаларға құрылған қарапайым, күлкілі әрі мұңды болатын.