Шымкентте 17 жастағы жаяу жүргінші мерт болды
Шымкентте 17 жастағы жаяу жүргінші көлік апатының құрбаны болды. Яңни, бойжеткен ауруханада ес жимастан көз жұмды, деп хабарлайды Оңтүстік Қазақстан облыстық Ішкі істер департаментінің баспасөз қызметі.
25 маусым күні Шымкент қаласы Тәуке хан мен Қарасу көшелерінің қиылысында «Мерседес-бенц 300» маркалы автокөліктің жүргізушісі жаяу жүргіншіні қағып кеткен. Көлікті 1983 жылғы шымкенттік тұрғын тізгіндеген. Көлік оқиғасы салдарынан үш адам зардап шекті. Олардың барлығы да жергілікті тұрғындар. Ал 17 жастағы қыз алған ауыр дене жарақаттары салдарынан қалалық аурухананың жансақтау бөліміне жеткізілген. Алайда есін жинамаған қалыпта көз жұмды. Өзге екі жасөспірім дәрігерлердің қарауынан кейін үйіне жіберілді.
Полицейлер «Көлiк құралдарын басқаратын адамдардың жол жүрісі немесе көлiк құралдарын пайдалану
қағидаларын бұзуы» бабы бйоынша қылмыстық іс қозғады. Көлік апатына кінәлі азамат, «Мерседес» автокөлігінің жүргізушісі қамауда. Сараптама тағайындалды. Сотқа дейінгі тергеу амалдары жүргізілуде.
- шымкент
- ДТП
- көлік апаты
- көлік оқиғасы
- Корреспондент
- қызық ақпарат
