Танымал продюсер Баян Есентаеваны күйеуі соққыға жығып, пышақтап кетті

 

Оқиға 10 маусымда күндіз болған. Бірнеше тұрғындардың көзінше ер адам мен әйел адам сөзге келіп қалады.  Кейін ер адам әйелді ауыр соққыға жығып, бірнеше рет пышақтаған. Оқиға жанармай құю бекетінің маңында болады.

Қансыраған әйелдің Баян Есентаева екені анықталды. Оны соққыға жыққан күйеуі - Бақытбек Есентаев болып шықты.

Алдын ала болжам бойынша, Баян Есентаеваны күйеуі кеуде тұсынан пышақтаған. Оқиға куәгерлері дереу жедел-жәрдем шақырып, қансыраған танымал тележүргізушіге алғашқы көмек көрсетті.

Медициналық мекемедегі жазбаға сәйкес, Есентаева бас-ми жарақатын алған. Сонымен қатар, көп қан жоғалтқан продюсердің мұрны сынғаны да анықталды.

Жанармай бекетінің жанында ұсталған Баян Есентаеваның күйеуі Бақытбек Есентаев Талғар аудандық ІІБ-ге жеткізілді. Бүгінде ол аталған оқиғаға қатысты тергеуге алынған.

Қазіргі таңда танымал тележүргізуші жансақтау бөлімінде жатыр. Оның қасында жақындары мен туыстары бар.

Алайда, кейін Есентаева бұл жағдайдың шындыққа жанаспайтынын айтқан. Ал Алматы облыстық ІІД бұл ақпаратты растап отыр.