ОҚО-да ақынның әйелі салафиттерге қарсы шығу керектігін айтып дабыл қақты
«Хабардың» бұрынғы тілшісі, ақын Ақберен Елгезектің жары Дина Елгезек Ақтөбедегі орын алған лаңкестік әрекеттен соң елдегі жағдайға алаңдатушылық білдіріп отыр. Салафиттік ағымнан келетін қатерден қауіптенген ол әлдекімдердің «бізге тиіспеңдер» деген сынды Ақордаға жазып жатқан хатын да мысалға келтіріп, жұртшылықты оларға қарсы шығуға шақырды. Бұл туралы ойын Дина Елгезек фэйсбуктағы парақшасында жазды.
«Мынау жырау бүкіл қазақтың жігіттерін құртты-ау... Дәстүрлі дініміздің діңгегін шайқады! Қаншама жастың санасын улады! Бет ажары ашық қыздарға арабтың дәстүрлі киімін кигізіп, қарамен тұмшалап қойды! Ақордаға "умеренный салафитпыз, бізге тиіспеңдер" деп өкіртіп xат жазып жатқан көрінеді. Террористер "умеренный немесе не умеренный" боп бөлінбейді!
Қымбаттыларым, олар қатты жұмыс істеп жатыр екен сәләфилік ағымға шектеу қоймауға»,- деп ашынған журналист.
«Аянып қалмайықшы біз де! Қаупін жаза түсейік бәріміз! Біздің бабаларымыз бен өмірден өткен жақындарымыздың әруағын қорлатып қоюға мұрсат бермейік! Жеке-жеке пост жазайық! Бір емес, миллион пост! Қазақ үшін қайырлы бір діни жол бар! Ол - дәстүрлі өз дініміз! Тұнығымызды лайлатпайық!»» деген жазба қалдырды автор. Әрине, бұл желі қолданушыларының қос қолдаған қолдауына ие болды. Тіпті басым көпшілігі Ақорданың енді мұндай хатқа сене қоймайтынына үміт артқан. Араларында журналистің «жырау» деп меңзеген адамын «Бекболат Тілеухан» деп болжамдағандары да бар. Ал енді бірі «"Умеренный салафиттен" уверенный террорист өсіп шығады! Арам шөптің басына дақыл шықпай тұрғанда құрту керек!» деп пікір қалдырды.
- Дина Тулекова
- Дина Төлекова
- Дина Елгезек
- Ақберен Елгезек
- салафизм
- салафит
- Ақтөбе лаңкестік шабуыл
- лаңкестік
- терроризм
- Корреспондент
- қызық ақпарат
Пікірлер
