Атышулы блогер Шымкенттің бас тәртіп сақшысын ауруға теңеді
Құрылғанына көп уақыт өте қоймаған Шымкенттегі жергілікті полиция қызметіндегілердің жұмысы тұрғындар тарапынан жоғары бағаланып, елдің алғысына ие болып үлгерген болатын. Аталған мекеме құрыла жергілікті полиция қызметінің басшысы Данияр Мейірханның өзі (лақап аты Дима) көшеге шығып, көліктерді тоқтатып, терезесін күңгірттеген көлік иелерін қатаң жазалап еді. Алайда шымкенттік блогер Айгүл Орынбектің тәртіп сақшыларының жұмысына өкпесі қара қазандай болып шықты. Тіпті ол Данияр Мейірханды «жұлдыз ауруына шалдыққан полицейский» деп айыптады. Бұл туралы ойын блогер әлеуметтік желідегі парақшасында жазды. Желі қолданушының бұл жазбасына Данияр Мейірханның өз парақшасында бөліскен ойының астына қалдырған пікірі себеп болған секілді.
«Жұлдыз ауруымен ауыратын полицейский! Данияр Мейрхан деген жергілікті полиция қызметінің басшысы бар еді ғой бізде, тек интернет үшін жұмыс жасайтын, бүгін пост жазыпты астына пікір қалдырсам, мені блокқа тығып жайына кетті. Халыққа шағым айтыңдар, бəрін орындаймыз, қатырамыз, «бла-бла» əңгімелері үнемі бітпейді. Ал шағым айтса» блокқа кетесің!» деп ашынды автор. Сондай-ақ ол полицейлерді көзбояушылық үшін жұмыс істейді деп кінә тақты.
«Бұлай показуха үшін жұмыс істемей-ақ қойыңдаршы! Өткенде қол астында жұмыс істейтін қызметкерлері өтірік қылмыс жасап, өздеріне пиар жасау үшін ұсталып еді. Кімнен үйреніп жүр десем, басшысынан үйреніп жүр екен ғой. Бұларға тек отыра қалып сендер күштісіңдер деп бетіне мақтау керек екен. Жұмыстарының минустарын айтуға болмайды. Өйткені бұлар жұлдыз үшін жұмыс істеп жүргендер ғой, халық үшін емес!» деп жазды блогер. Әрине, бұны оқыған желі қолданушыларының ойы екі жаққа бөлінді. Бірі тәртіп сақшыларын қорғаштап, Данияр Мейірханның жұмысын жоғары бағаласа, келесі бірі жазба авторына қосыла, «мақтаншақ полицейский» деп пікір қалдырды. Сонымен қатар кейбірі қалада тәртіп бұзушылықтың артып кеткенін айтып, дабыл қақты.
- Данияр Мейірхан
- Дима брат
- Айгүл Орынбек
- МПС Шымкент
- Корреспондент
- қызық ақпарат
Пікірлер
