Жалған ақпар берудің ар алдында да, заң алдында да жауабы жеңіл емес. Заң алдында жауап береді дегеніміз, біздің құқықтық-зайырлы мемлекетте әрбір келеңсіз жағдайдың алдын алуға, болған жағдайда жауапқа тартылатынына заң кепіл. Ал, ар алдындағы жауапкершіліктің салмағы тіпті ауыр. Мысалы, өтірік айтып абыройын төккендер көпке дейін елдің бетіне тіке қараудан қалады. Сол себепті де біздің текті халық малын жанының жолында, ал жанын арының алдында құрбан ете салады.

«Не шықса да депутаттардан шығады» деп едік. Бұл құбылыс үрдіске айнала бастаған сыңайлы. Парламент Мәжілісінің тағы бір депутаты елді шулатты. Шулатқанда да бұл жолғысының жөні тіпті бөлек. Бұған дейін «халық қалаулылары» деп атап жүргендеріміз сол халықтың, жұмсартып айтқанда, «қытығына» тиіп қана қойған еді. Бірі «Астананың атын өзгертейік» деп, жампоз-жағыпаздығын өткізе алмай сөзге қалды. Оны «төрт аяқтап» қолдаған екінші депутаттың да халық кім екенін ажырата алмай дал боп жүргенде мәжілісмен Мұхтар Тінікеевтің тірлігі тіпті тұрпайылығымен тітіркендіріп жіберді.

Жастар форумы – өзекті мәселелерді талқылап, еліміздің жастар саясатының 25 жылына қайта көз жүгірту. Өткенге шегініс жасап, ертеңге жоспар құру. Бұл Елбасы күніне орай өткізілген биылғы Республикалық форумның өзекті мәселесі-дүр. Астанадағы «Тәуелсіздік» сарайына еліміздің түкпір-түкпірінен 1500 жасты жинаған шараға Оңтүстіктен 102 делегат аттанған болатын. Осы форум төңірегіндегі бірнеше сауалымызды біз де облыстық жастар саясаты мәселелері басқармасының басшысы Болат Жанәбілге жолдаған едік.

Марат Тәжиннің бастамалары неге аяқсыз қалды?

Жаңылмасақ, 2013 жылдың 5 маусымы болса керек, Астанадағы Л.Н.Гумилев атындағы Еуразия ұлттық университетінде Қазақстан Республикасының Мемлекеттік хатшысы Марат Тәжиннің төрағалығымен қазақтың ұлттық тарихын зерделеу жөніндегі ведомствоаралық жұмыс тобының кеңейтілген отырысы өтті. Алқалы жиынға белгілі тұлғалар, ел басқарып жүрген лауазымды азаматтар, ғалымдар мен зерттеушілер қатысты. Негізгі баяндаманы Мемхатшының жасағаны да – есімізде. Ұлттық тарихты зерделеу жөнінде кеңінен толғаған М.Тәжин бүгінгі заман тарих ғылымының алдына жаңа талаптарды, басқаша көзқарасты қойып отырғанын, тарихшының міндеті – ұлттық тарихты қайдағы бір әмбебап заңдылықтардың қасаң қалыптарына салып жібермей, ұлттық тарихтың «жанды ағзасы» қалай дамитынын түсіну қажеттігін алға тартып еді.

Ата Заңымызда «мемлекеттік биліктің бірден-бір бастауы – халық» деп, тайға таңба басқандай етіп жазылып қойған. Ол билікті референдумдар мен сайлаулар арқылы жүзеге асырады. Және өз атынан билік жүргізуді мемлекеттік органдарға береді. Билікті сеніп тапсырған соң, оны бақылауда ұстап отыру да маңызды. Осы тұсқа келгенде, біздің азаматтарымыздың енжарлығы байқалады.

«Не шықса да, Шымкенттен шығады» дейтін сөз бар. Қазір «не шықса да, депутаттардан шығады» дейтін болдық. Мәжіліс депутаттары Астана атауын өзгертуді ұсынды. Осымен – екінші рет. Бұл жолғы бастамаға Қуаныш Сұлтанов мұрындық болды. Мәжілісмен Елбасы Нұрсұлтан Назарбаевтың есімі астана мен елдегі өзге де маңызды нысандардың атауында көрініс табуы тиіс деп есептейді.

«Борсық ұрған сайын семіреді» демекші, «Мемлекеттік қызметшілердің қарасын сирету керек» деген сайын олардың қатары қалыңдап барады. Түнеугүні Президент Әкімшілігінің Басшысы Әділбек Жақсыбеков те дабыл қақты. Ол министрліктердегі қызметкерлердің санын қысқартуды ұсынды.

Биылғы білім күні ОҚО-дағы Шардара ауданының әкімі Арман Абдуллаев үшін де, осы ауданнан сайланып, облыстық мәслихаттың хатшысы атанған Қамытбек Айтөреев үшін де оң қабақ танытқан жоқ. Жаңа мектептің тұсау кесуінен соң, «Алтын жағажай» демалыс орнында жайылған кең дастарқандағы басқосудың соңы кәсіпкердің әкімнің басына бөтелкемен ұруымен аяқталғаны ақпарат құралдарында жан-жақты жазылды да.

Жаңа әкімнің тағайындалуына байланысты ма, әлде басқа себептері бар ма, ОҚО әкімінің орынбасарлары біраз жаңаратын сияқты. Елбасының идеясы бойынша, «екінші әкімнің» міндетін атқарып, тек инвестиция мен индустрияландыру мәселелеріне ғана жауапты болған «Болашақтың» түлегі Сапарбек Тұяқбаев түнеугүні Астанаға кетті.

Кезінде Кеңес Одағы әлемдегі ең ірі қару-жарақ саудагері еді. КСРО тарқағанымен, оның сол базардағы мұрасы қалды. Қазір Ресей қару-жарақ нарығындағы бір кездегі беделін қайта «жаулап» алмақ. Ал, АҚШ оған мүмкіндік берер емес. Ресейдің жинаған шоқпарын ТМД- да кімдер алып жатыр? Және бұл салада оған кімдер бәсекелес бола алады?