ОҚО-да суға кеткен бүлдіршінді құтқарған оқушы алғашқы көмек көрсетуді кинодан көрген болып шықты
Оңтүстік Қазақстан облысы, Қазығұрт ауданы, Қосағаш ауылында 3 жасар бүлдіршінді аман алып қалған мектеп оқушысы Мұхамедәлі Құрақ Төтенше жағдайлар департаменті тарапынан марапатқа ие болды. Сонымен қатар батыр балаға жергілікті билік велосипед сыйға тарту етті.
Естеріңізге сала кетейік, наурыздың соңғы күндерінің бірінде толассыз жауған жаңбырдан соң ауылдағы өзен маңында ойнап жүрген 3 жастағы бүлдіршін суға ағып кеткен болатын. Сол сәтте мектеп оқушысы Мұхамедәлі еш ойланбастан суға түсіп, бүлдіршінді жағаға алып шығып қана қоймай, демсіз қалған оған алғашқы медициналық көмек көрсеткен. Жұрек тұсына массаж жасаған ол мұндай көмек көрсетуді кинодан көрген екен. Қаршадай баланың ерлігі әлеуметтік желілерде қызу талқыланып, тіпті оның бұл әрекеті мемлекеттік награда лайық деп ұсыныс тастағандары да болды.
- Мұхамедәлі Құрақ
- Мухамедали Курак
- ОҚО
- ЮКО
- Қазығұрт
- Казыгурт
- Корреспондент
- қызық ақпарат
