Астаналық тұрғын жолы шұрық-тесік көшеге Жақсыбеков атауын беруді ұсынды
Астана тұрғындарының бірі Есілдің оң жағалауындағы Кенесары көшесіне қазіргі қала әкімі Әділбек Жақсыбековтың атын беру керек деген ұсынысын айтып отыр. Азамат Көшенов есімді елордалық аталған жолдың біраздан бері қараусыз жатқанын айтады, деп жазды SKIFNEWS.KZ.
Астанада көктем шыға қардан бұрын асфальттің "еритіні" баршаға мәлім. Биыл да Есілдің қос жағалауындағы көшелердің бәрі шұрық тесік. Тіпті, былтыр ғана күрделі жөндеуден өткен бірнеше тас жолға қарап, Астана астана болғалы көшелері жаңармаған деген ойға келуге болады.
Әбден тозығы жетіп, көлік жүргізушілерінің жүйкесін жұқартқан осындай жолдардың бірі Кенесары көшесінде. Көшенің бір басынан екінші басына жету үшін тұрғындарға үлкен сынақтан өтуге тура келеді. Әсіресе, жаңбырлы күндері бұл жолмен жүріп өту азаптың азабы. Ал, көшеге әкімнің атын берсек проблеманы толықтай шешуге болады дейді А.Көшенов. "Әділбек Жақсыбеков өз атымен аталатын осынау жолды ұсқынсыз күйде қалдырмай, ретке келтіретініне күмәнім жоқ" деп ойын білдірді қала тұрғыны.
- Астана
- Әділбек Жақсыбеков
- Астана қаласының әкімі
- аким города Астана
- Адильбек Джаксыбеков
- Корреспондент
- қызық ақпарат
