«Мәсімовтану» пәнін енгізу туралы ұсыныс желі қолданушыларын күлкіге қарық қылды
Осыдан бірнеше күн бұрын елдегі мектептерде «Назарбаевтану» пәні енгізілейін деп жатыр деген әңгіме желдей ескен болатын. Алайда Білім және ғылым министрлігі бұл мәліметті жоққа шығарды. Жаңа пән туралы әңгіме тарағаны сол еді, әлеуметтік желі қолданушылары «Назарбаевтанудың» орнына «Мәсімовтану» пәнін енгізу керектігін айтып, қисынсыз қалжыңдады. Солардың бірі шымкенттік тұрғын – Ержан Тәліп. Ол өз сөзінде Елбасыны барлығы танитынын, сол себептен Мәсімов туралы ақпараттың аз екенін алға тартқан.
«Назарбаевты бәріміз жақсы танимыз. Балалық шағын да, еңбек жолын да, жастық шағын да, кемелденген сәтін де бәрін білеміз. Одан да Мәсіміптану сабағы енгізілсін. Кім ол? Қайдан келді? Қандай еңбегі үшін мәңгілік премьер атанды? Ұлты кім? Қазақ болса, руы кім? Нағашылары кімдер? Әйелі кім? Бала-шағасы кім? Аға-інілері, қарындастары кімдер? Жиендері кімдер? Міне, осы сұрақтарға жауап берілсе 11 жыл бойына оқытатын пәнге азық боларлық материалдар жеткілікті болар еді» деп жазған. Бұл ұсынысты желі қолданушыларының дені күлкіге айналдырды. Ал кейбірі бұл жазбаның мәні тереңде жатқанын жасырмаған.
- Карим Масимов
- Кәрім Мәсімов
- Премьерминистр РК
- Үкімет басшысы
- Ержан Тәліп
- корресондент
- қызық ақпарат
