ОҚО халқы бір-біріне сыйлық тарататын болды
1 мамыр – Қазақстан халқының бірлігі күніне орай Оңтүстік Қазақстан облысында «Достық сыйы» акциясы өтетін болды. Мұндай ақпарат , облыс әкімі аппаратының «Қоғамдық келісім» КММ-нде облысымыздағы этномәдени бірлестіктер төрағалары бас қосқан жиында айтылды. Жиынды Қазақстан халқы Ассамблеясы Оңтүстік Қазақстан облыстық филиал төрағасының орынбасары, Ассамблея хатшылығының меңгерушісі Мұратәлі Қалмұратов ашып, жүргізіп отырды. Отырыста мерекені жоғары деңгейде атап өту жайы туралы айтылды.
Акция кезінде түрлі этнос өкілдері бір-біріне сый-сияпат жасап, өзара достықтың нығаюына атсалысатын болады. Әлеуметтік желілерде арнайы хештег арқылы жан-жақты насихатталатын бұл бастама бұқаралық ақпарат құралдары арқылы көрсетілмек. Сонымен қатар, жиында, мейрам қарсаңында Астана қаласында өтетін Қазақстан халқы Ассамблеясының кезекті ХХIV сессиясына Оңтүстік Қазақстан облысы делегациясының қатысу мәселелері де пысықталды.
- ОҚО
- ЮКО
- 1 мая
- 1 мамыр
- Бірлік күні
- корерспондент
- қызық ақпарат
