Депутаттар мекен еткен қонақүйдің әр бөлмесі 29 мың теңге болып шықты
Мемлекет есебінен берілетін үйге әлі орналасып үлгермеген депутаттардың қонақүйде бір күн түнеуіне қазынадан 120 мың теңге төленетіні туралы ақпарат тараған болатын. Бұл ел ішінде наразылық тудырып, халықтың басым көпшілігі халық қалаулылары күніне онша қаржыны ысырап ететіндей түк бітірмейтінін айтып, тіпті араларында қонақүйден бас тартқандары неліктен болмаған деп таң қалысқан да еді. Ел шулап, әлі де наразылық тудырып жатыр. Бұл ақпарат тарағаннан кейін қонақүйде бір күн түнеу 120 мың емес, 29 мың теңге екенін белгілі болды. Оны төменгі палатаға сайланғандардың біразы растап, мәлімдеме жасады.
Депутаттар тұрақ еткен «Пекин Палас» деп аталатын қонақүй қытайлық компанияға тиесілі екен көрінеді. Оны бірқатар басылым жарыса жазды. Сонда ішкі туризмді дамытамыз, ел экономикасын арттырамыз деп ұрандататын мемлекет қазына қаржысын неге шетелдік қонақүйге құйып отыр. Өз кәсіпкерлеріміз соққан қонақүйді біздің депутаттар менсінбейді ме? Әлде «гәп» басқада ма?.. Айта кетейік, басқа өңірлерден келіп, қонақүйді уақытша үй еткен депутаттар 8 сәуірде мемлекеттен берілетін үйге көшірілетін болған.
- Мәжіліс
- депутат
- ҚР Парламент Мәжілісі
- халық қалаулылары
- төменгі палата
- корерспондент
- қызық ақпарат
