Оңтүстік Қазақстанда ішімдікке сылқия тойған ананың 8 айлық баласын бөтелкелесі көшеге тастап кетті (видео)
Күтпеген жайт 29 маусым күні кешкі уақытта орын алған. Оқиға орнынан жедел жәрдем қызметі мен полицейлер келіп жеткен. Оларды ішкілікке толйған ананың әрекетін көрген ер азамат шақыртқан. Бұл туралы ТВК арнасы хабарлады.
Ер кісі анасының кішкентай ғана сәбиге аса қатыгездік қылық танытқанын байқаған.
"Мен үйге қайтып бара жатқанмын. Баланың жылаған даусын естідім. Тоқтап, ары қарай не болар екен деп біраз кідіріп тұрдым. Ол үйде кішкентай сәбидің тұрмайтынын білемін. Біраз уақыттан соң масаң келіншек сыртқа шықты. Оның артынша шыққан әйел сәбиді тура жерге тастап кетті",-дейді куәгер. Сөйтіп анасына баланы беруді құп көрмеген ол дәрігерлер мен полицейлерді шақыртқан. Болжам бойынша, ішкілікке тойып алған ана сәбиімен құрбысының үйіне барған. Содан ішімдік таусылып қалады. Сәбилі ана тағы біреуін әкелу үшін сыртқа шыққан сәтте оның бөтелкелесі жылап жатқан балаға қамқорлық танытқысы келмей, көшеге шығарып жіберген.
Ақ халаттылар сәбиді тексеруден өткізді. 8 айлық бөбек жеңіл жарақат алған. Денсаулығы мен өміріне келер қауіп жоқ. Көңіл көтермекші болған қос келіншекке айыппұл салынуы мүмкін. Ал сәбидің тағдырына қатысты шешімді арнайы мемекедегілер қабылдайтын болады.
Медиа
- ОҚО
- ЮКО
- мас ана
- ішімдік ішкен келіншек
- баласын көшеге тастап кетті
- Корреспондент
- қызық ақпарат
