Тестілеуден босатылған мектеп түлегі түскі астан кейін қайтыс болған

Оқиға осыдан екі күн бұрын Руслан Аймұхамбетовтың сыныптасының үйінде болыпты. Ұлттық бірыңғай тестілеуден босатылған үш жеткіншектің біреуі  емтиханға дайындалып, түскі асты да бірге іштік дейді. Қасында болғандардың сөзінше, 17 жастағы Руслан қытай лапшасымен ауқаттанғаннан кейін өзін жаман сезіне бастаған. Кенеттен жерге құлап түскен түлектің ауызынан көбік ағып, қол-аяқтары дірілдей бастады,- дейді сол кезде қасында болған Ерхан Мұстафаев. Бірақ қаладағы №57 мектеп лицейін бір апта бұрын ғана тәмамдаған Руслан Аймұхамбетовты жиырма бес минуттан соң жеткен ақ халаттылар да аман алып қала алмаған.  Жүрек-өкпе реанимациясын жасаған қызметкерлер жедел жәрдемге қоңыраудың кеш түскенін айтып отыр. Ал қара жамылған отбасы Русланның денсаулығы сыр беріп көрмеген еді дейді. Қайғылы жағдайдан қабырғалары қайысқан жақындары Медициналық Университетке түсуді армандайтын Русланның жақында Ресейде жобасын қорғап келгенін айтады. Түлектің жұмбақ өліміне қатысты арнайы сараптама жүргізіледі. Қорытындысы шықпай, жеткеншектің неден қайтыс болғанын  ішкі істер департаментіндегілер де айта алмай отыр. Ал үйдің ортаншы ұлы Руслан Айтмұхамбетовтің денесі жер қойнына бүгін таңертең тапсырылыпты.